Астра
Муҳаббат, гөззаллық ҳәм жақсы демлерди еслетеди. Илгери француз әскерлерин астара гүл менен бирге көмген ҳәм өтенлерди ядда тутқан. Әпсаналарға көре, астра периштениң тамған көз жасларынан пайда болған.

Әзелия
Бул гүл ҳаялларға сай әзизилик, нәзиклик, садықлық белгиси саналады. Соның менен бирге, қорқыў ҳәм ҳәсреттенде дерек береди. Оны ҳыжраннан өртенген кеўиллерге инәм етиледи. Мәниси болса, «Өзиңди мен ушын асра», «саған исенемен, үмит етемен», дегени. Бул гүлди қабыл еткен қыз жигит ушын жалғыз.

Акация
Сырлы муҳаббат , пәклик ҳәм жалғыслық тымсалы. Оны усынған ҳалда кеширим сораў мүмкин. Сүйгенинен айрылған жигитлер «және бирге болыўымыз мүмкинбе?» , «маған және бир мәрте имкан бер» деген мәниде бул гүлди саўға еткен.

Шиннигүл
Өзине тартыў, инкар әйлеў, азатлық, еркинлик ҳәм исенимди аңлатады. Олардың реңине қарап мәнисин билиў мүмкин. Мәселен, қызыл шиннигүл ашықлық белгиси.

Глэдиолус
«Шын кеўилден айтып атырман», «меннен қорықпа», деген мағананы аңлатады. Ол гладиоторлар гүли, деп те аталады. Оны усынған жигит күшли, исенимли ҳәм ҳақ гөй есапланады.

Жасмин
Тәсиршеңлик, көзди тартар таўланыўшаң қәсийетке ийе. Ҳиндистанда оны «ай нуры» деп те атайды. Оны гөззал ҳаялларға «ҳәмийше шырайлысыз» деген мәниде усыныў мүмкин.

Лала
Голландия тымсалы. Сондай-ақ, пәк муҳаббат, үлкен бахыт, атақ-абырай, мақтаныш белгиси.

Гордензия
Кишпийиллик, сырлылық ҳәм үмит тымсалы. «Мени ҳәмийше ядыңда тут» деген мәниде бериледи. Әскерликке жөнетилер алдында усынылады. Ол ҳәстелерге ҳәм бахтын жоғалтқанларға үмит сыпатында саўға етиледи.

Орхидея
Муҳаббат, нәзиклик, гөззаллық ҳәм сырлылық белгиси. Оны тек ғана ең жақын инсанларға инәм етиў мүмкин.

Кала
Бойсыныў нышаны. (Сәжде қылыў) «Сиз әжайыпсыз», деген мәнини аңлатады. Егер сизге кала гүли саўға қылынса, билиң, қарсыңызда ҳақыйқый жентельмен ҳәм ҳеш кимге уқсамайтуғын жигит турыпты.

Лилия
«Қәлбиң ийеси ким?» деген мәниде қолланылады. Ақ лилия болса, пәклик, уллылық белгиси.

Наргиз
«Қандай болсаң, сондайлығыңша қал», «сениң менен қуяш ҳәмийше парлап турады», деген мәнилерди билдиреди. Күшли туйғылар, жуўапсыз муҳаббат, алданған үмитлерди сыпатлайды..

Қызыл әтиргүл
Муҳаббат ҳәм қорқыў тымсалы. «Мен сени жақсы көремен», «Сенсиз жасай алмайман», «Ҳәмийше меники бол» , деген мәнилерди аңлатады. Оны сиз ҳәм сизди де сүйген инсанға инәм етиң.

Ақ әтиргүл
Пәклик, кишпийиллик, жағымлылық белгиси. «Сени излеп табаман», «сен периштесең»киби мәнилерди аңлатады.

Сары әтиргүл
Бахыт ҳәм қуўаныш белгиси. Жағымлы сезимлерди сыпатлайды. «Сен мениң қуяшымсаң» деген мәнини аңлатады. Қызғанышқа ҳасла байланысы жоқ.

Ботакөз – исеним ҳәм әпўайылық тымсалы.
Лилия ҳәм мерўердгүл – тазалық ҳәм гирбиңсизлик белгиси.
Қоңыраўгүл – жағымлылық, шырайлылық.
Дәстергүл – қатаңлық.
Пәшек гүл – дослық, меҳир тымсалы.
Назбайгүл – жақсылық.
Бинафша – ойшаңлық ҳәм сырлылық белгиси саналады.


Гүлжаҳан Сейтназарова таярлады,
Megaline.uz ушын арнаўлы.