Бир кун келип белден мәдар талады,
Бәҳәрде ашылған гул де солады,
Бул дуньяда ҳеш ким қалмас бирақ та,
Биринши муҳаббат мәңги қалады.

Журегиңде текте бир өзи қалады,
Еске алсаң кеўлың жудә толады,
Суйдирседе, куйдерседе бәри бир,
Биринши муҳаббат теңсиз болады.

Ашық жүрек талай жолды басады,
Бийик-бийик таулардан да асады,
Ол соныңдай күшли себеп жүректе,
Биринши муҳаббат нурын шашады.

Терең дарья бәрҳа бәрҳа толып тасады,
Муҳаббат шын болса жаўлар қашады,
Ашықларға сулыў бағдың ишинде,
Биринши муҳаббат қушақ ашады.

Бул өмирде шадлық бәрҳә болмайды,
Тажы-тахт байлық та мәңги қалмайды,
Инсанниң өмири солар бир күни,
Биринши муҳаббат ҳеш ўақ солмайды.

Уйқысыз өткерип нешше айларды,
Бойсындырдың өзиңе қанша байларды,
Сонша жыллар күтсемде еле келмедиң,
Биринши муҳаббат гезер қайларда.

Ашық жүрек жалын киби жанады,
Өзиң дәрттиң мың турине салады,
Теңсиз кушлерден де қудретли ҳәтте,
Биринши муҳаббат жанды алады.

Мейли исенбеслер не десе десин,
Ашықлардың шадлы даурани келсин,
Ашық болған нәзик ҳәр бир жүрекке,
Биринши муҳаббат бахыт әкелсин.


Жамалова Гулзабира