Megaline.uz saytının’ paydalanıwshıları ushın Sayt qag’ıydası

1. Tiykarg’ı tu’sinikler ha’m anıqlamalar

1.1 Sayt internet tarmag’ında jaylasqan o’z atına, o’z logotipine iye ha’m Megaline.uz domeninen quralg’an veb betler jıynag’ı;
1.2. Basqa veb betlerdi paydalanıwg’a mu’mkinshilik beretug’ın sayttın’ bas betine Megaline.uz adresi arqalı kiriwge boladı;
1.3. Sayt TAS-IX aymag’ındag’ı hostingde jaylasqan;
1.4. Sayt paydalanıwshısı (endigiden bılay - Paydalanıwshı) – İnternet tarmag’ı arqalı saytqa kire alatug’ın jeke adam;
1.5. Sayt Adminstratorı (endigiden bılay - Adminstrator) – sayttı basqaradı ha’m qadag’alaydı;
1.6. Akkaunt aynası Megaline.uz saytında sayt to’ri dep ataladı. Dizimnen o’tken ha’r bir paydalanıwshı sayt to’rinen orın aladı, ha’m o’z akkauntın basqarıw mu’mkinshiligine iye boladı.
1.7. Sayt to’rine o’tiw ushın paydalanıwshının’ login ha’m parolin kiritiw arqalı a’melge asırıladı.

2. Ulıwma qag’ıyda

2.1. Paydalanıwshı qag’ıydag’a a’mel qıladı;
2.2. Sayt adminstratsiyası Paydalanıwshının’ pikirisiz sayttı paydalanıwg’a baylanıslı qag’ıydalardı shıg’arıp, materiallardı ja’riyalawg’a sheklep qoya aladı;
2.3. Paydalanıwshının’ waqtınsha saytqa kiriwine mu’mkinshilik bermewge, Paydalanıwshı bir neshe ret Reglament qag’ıydasın saqlamag’an jag’dayda, Paydalanıwshının’ akkauntın o’shiredi;
2.4. Paydalanıwshının’ o’zi kiritken blogların ha’m materialların adminstrator ko’rip shıg’ıp moderatsiyalaydı.

3. Sayt Paydalanıwshısı

3.1. Sayt paydalanıwshısı - sayt quramına kiretug’ın ha’r qanday veb betti qollang’an waqıttan baslap payda boladı;
3.2. Saytqa sol at penen dizimnen o’tken basqa paydalanıwshı tabılmag’an jag’dayda akkaunt dizimnen o’tken paydalanıwshıg’a tiyisli bolıp, avtorizatsiyadan son’, sol akkaunttı qollanıp, basqarıw mu’mkinshiligine iye boladı.

4. Paydalanıwshıg’a qadag’an etiletug’ın ha’reketler:

4.1. Basqa paydalanıwshılardın’ jeke informatsiyaların o’z maqsetlerine paydalanıwg’a bolmaydı;
4.2. Sayttı u’git na’siyat retinde zorlıqtı u’gitlew ushın paydalanıwg’a bolmaydı;
4.3. Saytqa jalg’an informatsiya salıp, basqa at penen atın paydalanıp dizimnen o’tiwge bolmaydı;
4.4. Sayt funktsiyaların buzıw maqsetinde, sayttın’ ruxsat etilmegen betlerine ha’m adminstratsiya kire alatug’ın jabıq bo’limge kiriwge ha’reket etken jag’dayda, sonday-aq, basqada tarmaqtag’ı soqqı retinde qabıllanatug’ın ha’reketlerge jol qoyıw qatan’ qadag’an etiledi.

5. Material qosıw sha’rtleri:
5.1. Paydalanıwshı o’zi ja’riyalag’an informatsiyag’a juwapker, Adminstrator og’an juwapker emes;
5.2. Paydalanıwshı o’zi ja’riyalag’an material mazmunına o’zi juwapker;
5.3. Adminstratsiya Paydalanıwshının’ kiritken materiallarına ayırım o’zgerisler kiritiwine boladı (mısalı orfografiyalıq qa’telerdi du’zetiwge);
5.4. Paydalanıwshının’ materialları reklamalıq yamasa u’git na’siyat, tarmaqlıq marketing ha’m kommertsiyalıq maqsette kiritse, ol mazmundag’ı materiallarg’a sheklew qoyıladı;
5.5. Paydalanıwshı materiallardı kiritkende o’zin basqa birew qılıp ko’rsetiwine yamasa bir sho’lkemnin’ wa’kili retinde, sonday-aq www.megaline.uz xızmetkeri, www.megaline.uz iyesi retinde so’ylewi sheklenedi.

6. Kommentariya

6.1. Paydalanıwshının’ jazg’an kommentariyaların Adminstratsiya ta’repinen o’shiriwine boladı;
6.2. Kommentariya mazmunına, qa’teligine Paydalanıwshı juwapker;
6.3. Kommentariya so’zlerindegi qa’teliklerdi Adminstratsiya o’shiriwine boladı;
6.4. Reklama mazmunındag’ı kommentariyalardı kiritiw qadag’an etiledi;
6.5. Kommentariya jiberilgende ol avtomat ra’wishte filtrlanadı, ayırım so’zler sol waqıtta o’shiriledi;
6.6. Diniy ko’z qarastag’ı kommentariyalar jazıw qatan’ qadag’an etiledi;
6.7. Temadan tısqarı mazmundag’ı kommentariyalar jazıw qadag’an etiledi;
6.8. Ko’pshilik materiallarg’a kommentariya ornatılmaydı.

7. Sotsiallıq tarmaqlar

7.1 Sayt materialların facebook, twitter, однокласники, вк, мой мир sıyaqlı sotsiallıq tarmaqlarg’a ja’riyalaw ha’m talqılaw qadag’an etiledi;
7.2. Sayt materialların sotsiallıq tarmaqlardag’ı toparlarda paydalanıw qadag’an etiledi.

8. Sayt materiallarınan paydalanıw sha’rtleri
8.1. ___________
8.2. Sayt materialların FM radiolarında paydalang’anda “www.megaline.uz saytınan alıng’an/paydalanıldı” dep aytılıwı sha’rt;
8.3. Sayt materialların İnternet saytlarında paydalanıw yamasa ja’riyalaw ushın tek sayt adminstratorınan jazbasha ruxsat alıwı sha’rt.
8.4. Sayt materialların Gazeta-jurnallarda paydalang’anda yaki ja’riyalag’anda “www.megaline.uz saytınan alıng’an/paydalanıldı” dep jazılıwı sha’rt.
8.5. Sayttag’ı media materiallarg’a “Ju’klew/Скачать” siltemesi berilmegen bolsa, ju’klep alıw ha’m onı tarqatıw qatan’ qadag’an etiledi.

Sayt Adminstratsiyası ken’es beredi:
* Eger Siz saytqa kiretug’ın kompyuterdi basqalar da paydalanatug’ın bolsa, qa’wipsizlik ila’jların aldın ala oylastırıw kerek, parol brawzerde saqlanıp qalmaw ushın “Shıg’ıw” tu’ymesin basıw maqsetke muwapıq.
* İsenimsiz informatsiyalardı kiritiwden awlaq bolın’.