Ө-мириңиз узақ болсын бахтымызға,
Т-уўылған күн жаслар қоссын жасыңызға,
Е-ркелесин қуўлықларың күлип ойнап,
Б-аба болып ертип жүриң қасыңызда.
А-пам менен узақ дәўран сүргейсиз,
Й-алғаншының кызықларын көргейсиз,
Ғ-аррылықтың ғәзийнеси ден-саўлық,
А-лдымызда саў-саламат жүргейсиз.

Мине бүгин жетпис беске шықтыңыз,
Машақатлы күнлерди де жықтыңыз.
Әке деген атқа мүнәсип болып,
Усы жолда талай терлер төктиңиз.

Ул-қызыңыз қонды уя-қыяға.
Бәри жақсы бир-биринен зыяда,
Ҳәзир олар бир шаңарақ ийеси,
Изиңизден жүрип барар пияда.

Ата-ана мәңгиликке керекли,
Омир-өлим тындырмайды жүректи.
Жүрегиңиз соға берсин өмир деп.
Сизге арнап жаздым усы тилекти.

Қутлы болсын ата туўылған күниңиз,
Муңаймасын нур шашылған жүзиңиз.
Қымбат саўға жақсы тилек емеспе.
Қосығымды меннен қабыл қылыңыз


Гөззал Ибраймова.