Мүбәрек болсын жигирма жасың,
Ғәрезсиз ел - Өзбекстаным,
Бахыт қусың бәлентте қанат қақсын,
Уллысаң, муқәддессең Ана-Ўатаным.

Бахытлы өтпекте жаслық шағым,
Ана Ўатан сениң қушағыңда,
Билемиз, әлбетте, буның бәрин,
Ғәрезсизлик шарапатында.

Далалар, қалалар бәри жаңарған,
Парқы жоқдур аўыллардың қаладан,
Көкте қуяш күлимсиреп қараған,
Уллысаң, муқәддессең, Ана- Ўатаным.

Барлық жерде гүл ашылып, жайнаған,
Күннен-күнге болып атыр абадан,
Жигирма жылға жигирма түп нәл егип,
Мен де үлесимди қосып атырман.

Тынышлық, татыўлық, ел-журт пәрәўан,
Ашық болсын иләйим көм-көк аспан,
Уллы ғәрезсизлик пенен бирге,
Өсип, кәмал таўып атырған жаспан.

Еркин елимниң ерке қызыман,
Ғәрезсизлик гүл-ғумшасыман,
Инсан ҳүрметке бөленген заман,
Муқәддессең ғәрезсиз ўатан.


Есемуратова Сахибжамал