Facebook sotsiallıq tarmag’ı usı jıldın’ 19 fevral ku’ni WhatsApp messendjerin 16 milliard dollarg’a satıp aldı, dep xabarlaydı AFP (Agence France-Presse). Bul Facebook tariyxındag’ı en’ qımbat sha’rtnama bolıp tabıladı.
Solay etip, WhatsApp basshılıg’ı jaqın arada du’nyadag’ı en’ u’lken sotsiallıq tarmaqtan ulıwma bahası 12 milliard dollardı quraytug’ın aktsiyasınan tısqarı, 4 milliard dollardı aqshalay aladı.
2012 jıldın’ son’ında Facebook sotsiallıq tarmag’ı qa’nigeleri sms-xabarlardın’ da’wirine noqat qoyıladı dep boljag’an edi, so’ytip WhatsApp messendjerine qızıg’ıwshılıq bildirdi. Biraq sol waqıtta bul informatsiya belgisiz edi.
Al 2013 jıldın’ aprel ayında geypara G’XQları Google korporatsiyasının’ WhatsApp messendjerin 1 milliard dollarg’a satıp alıw haqqında sha’rtnama tayarlanıp atırg’anın xabarlag’an edi. Biraq bul informatsiyalardın’ barlıg’ın WhatsApp biykarladı.
WhatsApp – du’nyadag’ı en’ u’lken mobil messendjer bolıp tabıladı. Onın’ ja’rdemi menen mobil telefon paydalanıwshıları bir-biri menen xabar, su’wret, videorolikler ha’m dawıs faylların tez almasa aladı. Bu’gingi ku’nde du’nya ju’zi boyınsha onı 450 million g’a shamalas adam qollanadı eken.
2011 jılı avgust ayında Facebook o’zinin’ messendjerin iske tu’sirgeni belgili. Onnan tısqarı, 2013 jılı Tsukerberg Snapchat xızmetin 3 milliard dollarg’a satıp alg’ısı kelgen edi. Biraq eki ta’rep bir kelisimge kelmey, na’tiyjesinde Facebook kompaniyası WhatsApp-tı satıp alıwg’a sheshim qabıllag’an.
derek ko’zi: iphones.ru, su'wret: google.com
2013 jılda SMS jollaw xızmetinin’ tabısı to’menlegen
2013 jılı du’nya ju’zindegi mobil operatorlar SMS ha’m MMS xabar jollaw xızmetinin’ tabısı 4 payızg’a to’menlegen. Bul xızmetin’ ko’lemi 2017 jılı 20 payızg’a to’menleydi degen...
Twitter mikroblog xızmetinin’ aktsiaları satıwg’a shıg’ ...
Twitter mikrobloglar xızmeti Nyu-York birjasına 70 million aktsiyasın shıg’armaqshı. Ha’r aktsiyanın’ qunı shama menen 17-20 dollarg’a bahalang’an. Solay etip, aktsiyalarının’ 13...
Facebook sotsiallıq tarmag’ı keshe qanday edi, bu'gin qanday?!
Facebook – du’nyadag’ı en’ iri sotsiallıq tarmaq bolıp tabıladı. Facebook sotsiallıq tarmag’ına 2004 jılı Mark Tsukerberg penen birge onın’ sherikleri Edwardo Saverin, Dastin...
Google kompaniyasının’ 2012 jılg’ı rekordlı tab ...
Google o’tken jılı o’z tariyxındag’ı en’ joqarı ko’lemdegi paydag’a iye boldı. Agence France-Presse analizshilerinin’ mag’lıwmatlarına su’yensek, o’tken jılg’ı paydası 50,2...
Endi Facebook paydalanıwshıları dawıslı xabarlar j ...
Du’nyadag’ı en’ u’lken sotsiallıq tarmaq Facebook Android ha’m iOS messendjerlerine dawıslı xabarlar jiberiw xızmetin iske qostı. Dawıslı xabarlardı jiberiw ushın "Facebook...
