Қирларни кезайму сенинг изингдан,
Сўраш учун қўрқаман лек ўзингдан,
Ўзимни топайин қаро кўзингдан
Менинг керагимсан гўзалим Раъно.

Атиргул қизарган лабларинг кўриб,
Қўзғалмай қолибман жойимда туриб
Мажнун каби сенинг изингдан юриб,
Менинг тилагимсан гўзалим Раъно.

Изҳори дил қилсам нима бўларкан,
Билсамчи қувончдан кўнглим тўларкан,
Рад этсанг умидим гули сўларкан
Менинг юрагимсан гўзалим Раъно.

Сўзлар келмай қолар сени сўйласам,
Гоҳ менга бўлган меҳринг ўйласам,
Беҳосдан бўйингга бўйим бўйласам,
Менинг керагим, тилагим, юрагим Раъно.

*****************************

Алам қийнамоқда, алам қийнайди,
Шеър ёз дея мени қалам қийнайди
Мавзу тополмадим ҳасратни ёздим
Гоҳида Навоий ҳазратни ёздим.
Улгуролмай қолдим баъзан ишимга
Келолмай қоларман гоҳо ҳушимга
Ният қилдим энди барчаси учун
Қўлдаги шу қоғоз парчаси учун
Ёзиш учун тунги уйқудан кечдим
Бир пайтлар иғвогар сувидан ичдим
Қидирдим доимо қофияли сўзлар
Ниятим-да нурли чўққини кўзлар
Тилагим йўл бергин менга Аллоҳим
Илҳомни қилиб қўй доим ҳамроҳим
Аламни қийнайман алам қийналар
Шеър ёзай дейман-у қалам қийналар.


Алламбергенов Анвар