Taqdir senga bir savol agar kelmasa malol,
Aytib bergin avvalim oxirim ham azalim,
Kechmishimda nelar bor menga qay ishlar dushvor,
Mushkuloting qay zamon bu jonni qo’yib omon.
Nelarga qilasan duch yengib o’tay topib kuch,
Kimlarga bo’lay hamroh barchasidan qil ogoh,
Qay yo’sinda yashamoq qay yo’sinda yashnamoq,
Maslahat ber birma bir afsusdan bo’lmay dilgir.
Senda bordir fidolik senda bordir judolik,
Qay vaqt qay makonda aytgin qaysi tamonda,
Meni baxt chorlayotir iqbolim porlayotir,
Qachon qotirib bosh qachon ko’zda sevinch yosh.
Erinmasdan qil bayon hammasi bo’lsin ayon,
Shodlik, omad, baxtlarning shijoat ham axtlarning,
Manzilini ber menga sanolar aytay senga,
Bordir qora kunlar ham oysiz zulmat tunlar ham,
Bormi azoblar ancha tugash muddati qancha,
Aytgin taqdirjon aytgin yomon fikrdan qaytgin.
Indamay qilding sukut dedingmi –jimgina kut,
Kel kelishib olaylik bahamjihat bo’laylik,
O’tib ketsa ham yillar uchurib meni yeller,
Manzilga borib qolsam nafasni chuqur olsam,
Afsuslardan o’shanda lanatni qilmay kanda,
Nomingni so’kmasam bas obro’ying to’kmasam bas,
Sendan rozi bo’lsaydim mendan rozi bo’lsayding.
Taqdirimdan o’rgilsam taqdirimdan aylansam,
Shukronalar aytardi afsonalar aytardim,
Bildim bari befoyda yo yerdami yo oyda,
Sen mening qo’limdasan gar yursam yo’limdasan,
Endi qilmay arzi hol bo’lib ketdimku xush hol,
Bari o’zimga bog’liq aytgan so’zimga bog’liq,
Iymon gar toza bo’lsa niyat ozoda bo’lsa,
Murodaga yetmoq tayin orzuni tutmoq tayin.
Taqdir ekan baxona ojizlarning niqobi,
Bu hayot kurashxona bordir ayoz oftobi,
Shuning chun kurashib bil vijdoning buyursa qil,
So’ngra afsus deb qolma armon tizginin olma,
Anvar bog’liq o’zinga qilgan ishing so’zinga,
Taqdir senga bir savol agar kelmasa malol,
Aytib bergin avvalim oxirim ham azalim.


Allambergenov Anvar.