Nokia kompaniyası 11 iyul ku’ni Nyu-York qalasında jan’a Lumia 1020 smartfonın ko’rsetti. Apparattın’ baslı ayırmashılıg’ı – onda ornatılg’an 41 megapikselli kamerası bar.

Nokia xabarlag’anınday, fotomatritsanın’ ju’da joqarı sapası tsifrlı “zumnın’” barlıq qa’siyetlerin tolıq paydalanıwg’a mu’mkinshilik beredi. Mısalı, paydalanıwshı fotodag’ı obyektti jaqınlatıp, ondag’ı kerekli jerin sapasın to’menletpey qıyıp ala aladı.

Smartfonda “jup” rejim atalatug’ın arnawlı xızmet tu’ri bar. Ol boyınsha kamera su’wretlerdi 38 ha’m 5 megapikselli eki nusqada saqlay aladı. Birinshi u’lken su’wretti redaktorlawg’a boladı.

Sonday-aq smartfon arqalı 1080p mu’mkinshiligindegi videolardıda tu’siriwge boladı. Lumia 1020 smartfonında Pro Camera fotoqollanbasıda bar. Fotolardı tu’siriw menen bir qatarda olardı saqlaw bazalıq elementlerinen basqa, onda kamera sazlawların islewge de boladı. Og’an fokus aymag’ın tan’law ha’m og’an diafragmalardı beriw sıyaqlı xızmet tu’rleri ha’m fotoredaktor kiredi.

Endi smartfonnın’ qa’siyetlerine kelsek, onın’ burıng’ı Lumia 920 ha’m Lumia 925 qurılmalarınan derlik ayırmashılıg’ı joq. Jan’a smartfon eki yadrolı protsessorg’a, eki gigabaytlı operativli ha’m 32 gigabaytlı ishki yadlarına iye. Ekranı 4,5 dyumlı ha’m 1280x768 noqatlı AMOLED sapasında islengen. Al operatsiyalıq sistema retinde smartfon Windows Phone 8 bazasın paydalanadı.


su’wret ha’m derek ko’zi: news.com.au