Google Samsung Electronics-penen birlesip shıg’arg’an Chrom-buk jan’a o’nimin tanıstırdı. Ol Windows yamasa Mac sıyaqlı noutbuklarda tiykarg’ı jumısların atqaratug’ın adamlarg’a arnalg’an. Jan’a Chrombuk saparda ju’rgen waqıtta yamasa avtoko’likte, ken’sede, u’yden sırtta basqa jerlerde ju’rgende informatsiya alıwg’a qolaylı qosımsha qural retinde paydalanıwg’a boladı.

Jan’a o’nim elektr energiyasın u’nemli paydalanatug’ın ha’m akkumulyator az sarıplaytug’ın ARM mikroprotsessorı negizinde quralg’an. Google ha’m Samsung tutınıwshılarg’a klassikalıq joqarıdag’ı o’nimdi usınbaqta. Al og’an Chrome OS sisteması a’wel bastan-aq arnawlı jobalanıp rejelestirilgen edi. Kompaniya Chrome OS bag’darlamasın jan’alap, Chrome OS sisteması tiykarında birinshi jeke kompyuteri retinde – Chrombox sisteması menen de tanıstırdı. Prezentatsiya waqtında Google wa’killeri Samsung penen birlesip islengen o’nimnin’ bunday sistema menen isleytug’ının EEM ler arasında en’ arzan ha’m tez, qolaylıraq ekenin ma’limlegen. EEM nin’ ishine Samsung-tın’ firmalıq Samsung Exynos 5250 mobilli protsessorı ornatılg’an. Bunı Samsung smartfonları menen planshetlerinde qollanıladı. Sonday-aq Google vitse-prezindenti Sundar Pishai Chrome OS o’nimlerinin’ arzanıraq bolatug’ınlıg’ın ma’limlegen.

Bul New Samsung Chrombook dep atalatug’ın modeldin’ awırlıg’ı 1,2 kg al qalın’lıg’ı 2 sm. Noutbuk 1080 p videolardı ko’rsetedi. 11,6 dyumli ekranı bar. Al akkumulyator zaryadının’ o’zi altı yarım saatqa jetedi eken. Modeldin’ 16 gigabayt ishki yadı bar, 2 gigabayt OZU ha’m Google Drive-ta biypul 100 gigabaytı bar. Gadjettin’ birden ko’zge ilinetug’ın artıqmashılıg’ı retinde ventilyator joq ekenligi, sonday-aq USB ha’m HDMI di qollamaytug’ınlıg’ının aytıwg’a boladı. Qurılmanın’ bag’darlamalıq u’skeneleniwi bir yarım ay sayın jan’alanıp turadı.


derek ko’zi: itc.ua