Hayotda shunday insonlar uchraydi-ki, nima bo’lishidan qat’iy nazar barcha narsalardan yaqinlarini ustun qo’yadilar. Hatto o’zlaridan ham. Rayhon aqlli, farosatli qiz bo’lgani uchun, qo’polroq, cho’rtkesar, biroz hasadg’oy dugonasi Nigorani ayaydi. Rayhon shuning uchunmi Nigorani “qadrli dugonam” deydi. Qadrli so’zini esa o’ziga yaqin olgan insonlarga ishlatadi. Rayhon kasal bo’lgani tufayli bir muddat maktabga kela olmagandi. Maktabga kelsa u o’tiradigan joyda boshqa qiz o’tiribdi.
-Axir bu yer mening joyim emasmi? – hayron bo’ldi Rayhon.
Shunda Nigora keldi-da:
- Endi sen men bilan o’tirmaysan. Sening joying orqada, – dedi jahl bilan.
- Nega bunchalar alamzadasan? – nima bo’layotganini tushunmasdi Rayhon.
- Sen yolg’ondanmi, rostdanmi kasal bo’lganingda Senga “Faxriy yorliq” yozishdi, chorakliklaring esa “5”. Ikkimiz birga dars tayyorlardik, lekin men past baho olganman, seniki esa yuqori. Rayhon dugonasi bu so’zlarni jahl ustida aytayotganini bilardi va dedi:
- Sen bunchalikka borasan deb o’ylamagandim. Boshqa shunday desa indamagan bo’lardim. Lekin bu sen, – dedi yig’lab yuborar darajada.
- Ha-a tushundim.Sen menga hasad qilgansan .
Ikki dugona urishayotganiga hamma hayron
Rayhon xuddi jahli chiqqandek, Nigoraning yuziga shapaloq tortib yubordi va dedi:
- Meni sen qayerdan ham tushunarding. Boshing yostiqqa tegsa, tanangni og’riq qoplasa, qarashgayam holing qolmasa o’shanda tushunarsan. Ammo men buni senga ravo ko’rmayman, chunki do’stimsan, – dediyu chiqib ketdi.
Ammo bu bilan Rayhon kasal bo’lganini aytmoqchi emasdi.
Nigora esa shundan so’ng qattiq betob bo’lib qolib, kasalxonaga tushdi.
Rayhon uni ko’rgani bordi.
Nigora unga orqasini o’girib yotarkan, bir og’iz gap aytdi:
- Esingdan chiqdimi?
- Senga kasal bo’lganim haqida aytgandim.Tushunmabsan. Men “Bir kuni bu ishing haqida o’ylasang, afsuslana boshlasang, kechirim so’rashgayam yuraging dov bermasa ham, do’stim bo’lib qolaverasan. Hammaning yonida shapaloq tushirishim sababi esa, sen izza bo’lganingdan ko’ra men yomon ko’ringanim yaxshi” deb o’yladim. Qadrli dugonam, – jilmaydi Rayhon.
Nigora esa uning chehrasiga qarab “rahmat” degandek bo’ldi.
kuni bu ishing haqida o’ylasang, afsuslana boshlasang, kechirim so’rashgayam yuraging dov bermasa ham, do’stim bo’lib qolaverasan. Hammaning yonida shapaloq tushirishim sababi esa, sen izza bo’lganingdan ko’ra men yomon ko’ringanim yaxshi” deb o’yladim. Qadrli dugonam, – jilmaydi Rayhon.
Nigora esa uning chehrasiga qarab “rahmat” degandek bo’ldi.


Xalbayeva Shirinoy.