Microsoft korporatsiyası Project Spartan jobası shen’berinde jan’a Edge atı menen atalg’an brawzerdi jaqında g’ana ra’smiy tu’rde ko’pshilikke tanıstırdı. Bul brawzer Windows 10 platformasında isleydi. Al bul platforma ha’zirshe test rejiminde. Edge brawzeri Windows 10 versiyasının’ tiykarg’ı aynasının’ baslı on bag’darlamalarının’ biri retinde ko’rsetiledi.

Al Internet Explorer bolsa, o’z xızmetin dawam ettire beredi. Tek paydalang’ısı keletug’ınlar onı Windows bag’darlamalarının’ ishinen arnawlı tu’rde izlewine tuwra keledi.

Edge brawzerinin’ ko’plegen artıqmashılıqları bar. Mısalı, paydalanıwshılar o’zi ashıp otırg’an veb betke qa’legeninshe eskertiwler qaldırıp, son’ pikirlesiw imkaniyatına iye. Ha’r bir izlenetug’ın bettin’ oqılıw barısı da ayrıqsha. Onnan tısqarı, dawıs xızmeti menen ta’miyinlengen, al interfeysi Chrome ha’m Firefox versiyalarına uqsas.


derek ko’zi: gadgetblog saytı.