2013 jıldın’ fevralınan baslap, Windows 8 operatsiyalıq sistemasın ornatıw burıng’ıg’a qarag’anda 3 ese qımbatlaydı. Microsoft korporatsiyası bul operatsiyalıq sistemalardın’ sınaqqa arnalg’an son’g’ı u’lgilerin tekserip shıqtı.

Windows Home paydalanıwshıları ha’zirgi waqıtta bul bag’darlamanı ornatıwg’a 40 dollar sarıplasa, fevral ayınan baslap bul xızmet ushın 120 dollar to’lew kerek boladı. Al Windows 8 Pro sistemasının’ jan’alanıwı 200 dollarg’a shekem baradı. Sonday-aq Windows 8 sistemasının’ Developer Preview, Consumer Preview yamasa Release Preview u’lgilerinin’ (sınalatug’ın nusqaları) waqtı tamamlandı. Endi paydalanıwshılar 40 dollar to’lep son’g’ı nusqasın ornatıwı kerek.

Esletip o’temiz, 2012 jıldın’ 26 oktyabrinde Windows 8 operatsiyalıq sisteması du’nyanın’ 140 eline tanıstırılg’an edi. Sonday-aq jan’a sistema 37 tilde tanıstırılıp, en’ tiykarg’ı ayırmashılıg’ı sensorlı displeyi bar qurılmag’a arnalg’an edi. Sonın’ menen bir qatarda bul kompaniya Internet Explorer 10 brouzerin islep shıg’ardı. Al planshetlerge arnalg’an Windows 8 operatsiyalıq sistemasının’ RT versiyası islep shıg’arıldı.


Su’wret ha’m derek ko’zi: entertaimenthungama.com