Windows Phone sammiti barısında Microsoft Windows Phone 8 mobilli operatsiyalıq sistemasın usıng’an edi. WP8 Windows 8-den yadro ha’m kodının’ ko’p bo’legin iyeleydi ha’m Microsoft-tın’ jan’a operatsiyalıq sisteması negizinde NT tolıq yadrosı boladı. Bul tek yadro emes, al Shared Windows Core fayllı sistemalarg’a iye boladı. Bul smartfonnın’ ekranı 800x480 o’lshemine qosımsha retinde sonday-aq apparat o’ndiriwshiler 1280x720 yamasa 1280x768 o’lshemlerin paydalana aladı. Ko’p yadrolı protsessorlardı qollap quwatlaydı: OS jan’a yadro ko’megi menen 2 yamasa 4 yadrolı chipler menen g’ana emes, al 64 yadrosı bar chipler menen jumıs isley aladı.

WP8 de sonday-aq Internet Explorer 10 boladı. Ja’ne bir artıqmashılıg’ı Windows Phone 7.5-ke qarag’anda jan’a brauzerde javascript tezligi 4 ese arttı, HTML5 funktsiyasın 2 ese qollaydı. Smart Screen ha’m antifishingli filtr mobilli ortalıqqa da almastırıldı. IE10 smartfonlarg’a za’ru’rli HTML5-qosımsha bag’darlamalarda sensorlı kiritiwler bar.

Google Wallet ha’m Apple Passbook sistemaları jan’a ba’sekilesine iye boldı – yag’nıy bul mobil telefonda klient-kart, kreditler kartasın qosqan. Sonday-aq basqa smartfonlarg’a qarag’anda, ol tolıq ko’lemdegi to’lewlerdi usana alınatug’ ınlıg’ı haqqında da kompaniya ta’repinen aytılg’an. Windows Phone 8 korporativli sektor ushın arnawlı funktsiyalarg’a iye boladı, onın’ ishinde qa’wipsiz qorshaw, BitLocker shifrleniwin qollawı, ju’klew qa’wipsizligi ha’m İT-ushın funktsiyalar. Operatsiyalıq sistemada Office funktsiyaları ken’eytilgen tu’rde boladı. Nokia xızmetleri bolsa NAVTEQ jaqsılang’an kartaların, oflayn-rejimin qollawı, navigatsiya, sonın’ menen birge basqa islep shıg’arıwshılar ushın kartalardı basqarıw mu’mkinshiligin aldı.

Funktsiyalarının’ ishinde sonday-aq C ha’m C++ bag’darlamalastırıw tillerin de qollaydı. Microsoft o’tken a’sirden berli jeke kompyuterlerge operatsiyalıq sistema islew shıg’arıw boyınsha du’nyada ataqlı. Endi bul kompaniya planshet ha’m smartfonlarg’a arnalg’an operatsiyalıq sistemanı da islep shıg’ardı.