Отырсам радиодан жаңалық еситип,
Жас жигит қосығын айта баслады.
Деген ўақта «Тек бир мәрте гөгек бер»
Сиңлим ҳайран болып саўал таслады.

Әжапа қандай зат гөгек бер деген?
Жейтуғын нәрсеме я ишемиз бе?
Ескирген сөзлерди еситпегенлер,
Бар шығар сизлердиң ишиңизде де.

Жасырынбақ ойнаў ата-бабадан,
Киятырған түрли ойынның бири,
Жасырынғанларға гөгек бер деген
Таўыўға айтылған усылдың бири.

Гөгек берсе билип қайда екенин,
Ҳәмде аңсат ғана таўып аламыз,
Қурыныўға гезекти сол қызға берип,
Таўа алмағай деп жасырынамыз.

Ана тилимизде гөнерген сөзлер.
Ҳәтте ушырасады неалогизимлер,
Егер жақын болсаң китабың менен,
Қалмас түсинбеген сөзиңиз билер.

Әжапа түсиникли рахмет сизге,
Жақсылап үйренип өз тилимизди
Жасырынбақ ойнап досларым менен.
Гөгеклеп таўамыз бир-биримизди.

«Нийетиң жолдасың» дегенғой сиңлим,
Тилге итибарлы болғаның жақсы,
Нурлы келешегиң еле алдыңда
Ана тилимизди билгениң жақсы.


Гөззал Ибраймова.