Даңқы шыққан Кегейлидей елатта,
Пахтада жүр химияның жаслары.
Қыйналғаны билинбейди бирақта,
Қасы өсип,гүллеп кеткен шашлары.

Фартуклерин беллерине асылып.
Конфетлерин қалтасына жасырып,
Бир ай болды тынбай пахта терип жүр,
Күн санайды қайтыў ушын асығып.

Ушраттым мен тек шырайлы төрт қызды,
Айырып тур төртке бөлип атызды.
Сол қызлардың сулыў ғана жамалы
Илҳәм берип, қолға қәлем алғызды.

Бири Салтанатдур қара көзлиси,
Сайёра дейдилер шийрин сөзлиси,
Ийбели қыз екен Динарасыда,
Наргизаның тартар сулыў күлкиси.

Тамағынан көринеди ишкен ас,
Оймақ ерин,алма жүзли,қәлем қас,
Тәртип пенен әдептиде сақлаған,
Жигитлердиң ишин жағып етер наз.

Келдим менде сол төрт қызды көриўге,
Қосық жазып дурыс тәрийп бериўге,
Ҳармасынлар айтып жуўмақ жасайман,
Шаршамаңыз ҳасла пахта териўде.


Гөззал Ибраймова.