Bizge belgili Microsoft kompaniyası jeke kompyuterler ushın programmalıq ta’miynat jaratıwda so’zsiz jetekshi roldi iyelegen. Bul kompaniyanın’ ha’r tu’rli programmalıq ta’miynatı arasında onın’ OS ları ayrıqsha orındı iyeleydi.

Microsoft o’tken a’sirde o’zinin’ MS DOS operatsiyalıq sistemasınan keyin grafikalıq rejimde islew ushın arnalg’an Windows operatsiyalıq sistemasın islep shıqtı. Bul operatsiyalıq sistema tez pa’t penen pu’tkil du’nyanı qamtıp aldı. Windowstın’ basqa OS lardan parqı, ol bir waqıttın’ ishinde bir neshe bag’darlamalar menen jumıs isley aladı. Sonlıqtan bul OS nın’ "Windows" dep atalg’anıda biykar emes.
Microsoft kompaniyası jıldan-jılg’a o’z o’nimlerin jetilistirip kelmekte. Windows ha’m onın’ quramına kiriwshi "MS Office" bag’darlamalıq paketlerinin’ jıldan jılg’a bir neshe versiyaları shıg’ıp, pu’tkil du’nya paydalanıwshıların o’z o’nimleri menen ta’miynlemekte.

İnformatsiya a’siri dep atalg’an XXI a’sirde informatsiyalıq texnologiyalar ku’nnen-ku’nge jedellik penen rawajlanbaqta. Bu’gingi ku’nde internet ha’r bir u’yde emes, al ha’r bir adamnın’ qaltasında dep aytıwg’a boladı. Sebebi ha’zirgi waqıtta mobil texnologiyalar rawajlanıp, ha’zirgi uyalı telefonlar internet tarmag’ına erkin kire alatug’ın da’rejege jetti. Sonday-aq uyalı telefonlarg’a mikroprotsessorlar ornatılg’an. Yag’nıy uyalı telefonlar kompyuterlerdin’ ornın basıwg’a umtılmaqta dewgede boladı. Ha’zirgi waqıtta uyalı telefonlar ushın arnalg’an Opera Mini internet brouzeri islep shıg’ılg’an bolıp, bul brouzer ja’rdeminde uyalı telefon veb saytlarg’a tez kire aladı. Bul brouzerler mobil saytlarda biypul tarqatılmaqta. Sonın’ na’tiyjesinde uyalı telefonlar tek WAP saytlar g’ana emes, al tolıq VEB saytlarg’a kiriw mu’mkinshiligi jaratıldı. Son’g’ı waqıtları mobil internetten paydalanıwshılar sanıda ko’pshilikti quraydı.
Endi IPhone ha’mde Samsung Galaxy S III smartfonı Windows operatsiyalıq sistemasına du’nya bazarında o’z-ara ba’sekige aylandı.

Windows o’z ba’sekileslerin jen’iwi ushın Windows 8 OS ın islep shıg’ıwda Microsoft kompaniyasının’ aldag’ı rejeleri.

Du’nyanın’ en’ ataqlı operatsiyalıq sisteması – Windows 8 din’ qashan bazarg’a shıg’arılıwı ha’zirshe belgili emes. Biraq ku’tilip atırg’an waqıt – 2012 jıldın’ gu’z ayı bolıwı mu’mkin. Jaqın arada Windows 8 din’ beta versiyası internet tarmag’ına jaylastırıladı, ha’m onı paydalanıwshılar erkin ko’shirip alıwı ku’tilmekte.

Windows 8 siteması Microsoft ushın en’ za’ru’rli bolg’an, du’nyanın’ en’ u’lken bag’darlamalıq ta’miynlew islep shıg’arıwshılardın’ keleshektegi ta’g’diri mine usı o’nimnin’ tabısına baylanıslı. Softver gigantı planshet kompyuterler bazarında Apple (iOS praktikalıq sisteması, iPad) ha’m Google (Androidta isleytug’ın onlag’an tu’rdegi planshetler) menen ba’sekige kirise almadı. Sonlıqtan ku’tilip atırg’anınday da’stu’rge aylang’an jeke kompyuterler bazarı endigiden bılay jedellik penen o’spewi mu’mkin, sonlıqtan Microsoft planshetlerge arnalg’an Windows ha’m ofis bag’darlamaların shıg’arıp, bul bazarda o’z ornın saqlap qalıwg’a ha’reket etdi.

Windows 8 haqqında ko’p na’rse ha’zirden belgili. Bul praktikalıq sistema "ekewi birewinde" printsipi tiykarında qurıladı. "Pusk" tu’ymesi ha’m bag’darlamalar yarlikleri sa’wlelengen da’stu’rli (da’stu’rge aylang’an) ekran (рабочий стол) ha’mde hu’jjetler praktikalıq sistemanın’ bir bo’limi boladı. "Фасад"ı bolsa Metro Interfeysli sensorlı ta’rizde basqarılatug’ın ekrang’a maksimal da’rejede jaqınlastırılg’an. Bul interfeys ko’pshilik paydalanıwshılarg’a Windows Phone 7 smartfonı arqalı tanıs. Ta’riyplerinin’de eki tu’ri bolıw itimallıg’ı u’lken: birinshisi – "planshetli", al ekinshisi a’dettegidey.

Microsofttın’ usı praktikalıq sistemasına sensor ha’m a’dettegi "tıshqansha-klaviatura" dan tısqarı ha’reketler arqalı basqarıw ha’mde dawıslı basqarıw engiziliw mu’mkinshiligi de ilimpazlar ta’repinen aytılmaqta. Windows 8 de sonday-aq, Apple kompyuteri ha’m Googledın’ mobil praktika sistemasındag’ı sıyaqlı ornatılg’an ta’riypler du’kanıda boladı. Internet Explorer 10 tiykarg’ı brouzer retinde orın aladı.

Microsoftdag’ılar pu’tkilley o’zgeshe tezlikti wa’de etpekte – Windows 8 ornatılg’an kompyuter jag’ılıwı menen 8 sekund o’tpey-aq iske tu’sedi.


B. Kalmuratov tayarladı.