Asus kompaniyası Windows 8 operatsiyalıq sistemasında jumıs isleytug’ın Transformer Book planshetli noutbuk islep shıg’aratug’ının ra’smiy saytı arqalı xabarladı.

IPS mantritsası tiykarında du’zilgen jan’a o’nimnin’ planshet bo’legi 1920x1080 yasheykadan turatug’ın 13,3 dyumge iye sensorlı ekran menen u’skenelengen. Qurılma Intel Core i7 – 3517U yamasa Core i5 – 3317U protsessorları menen ta’miyinleniwi mu’mkin. Sonday-aq bul planshetli noutbuk 1600 megagerts jiyilikte isleytug’ın DDR 3 standartındag’ı to’rt gigabaytlı operativ yadqa iye boladı. Sonın’ menen bir qatarda qattı disk 128 gigabayt yadqa, micro SD/SDHC/SDXC formattag’ı yadqa arnalg’an slot ha’m sımsız tarmaqlar moduline iye boladı.

Bes megapikselli veb kamera eki jag’ına ornatılg’an. Sonic Master texnologiyasına arnalg’an akustikalıq sistema, mikrofon, noushnikti qosıwg’a arnalg’an dawıslı ajıratqıshlar da bul o’nimnin’ qolaylılıg’ın arttıradı.

Tovar kompleksine tayar klaviatura blogı da kiredi. Planshetli noutbuktın’ qashan satıwg’a shıg’arılıwı ha’zirshe belgisiz. Biraq endigiden bılay Windows operatsiyalıq sistemalarının’ 8 ha’m keyingi versiyalarında tıshqansha qurılması ornatılmawı mu’mkin. Yag’nıy onın’ ornın sensorlı ekran arqalı barmaqlar orınlawı na’zerde tutılg’an.