Baylanıs – bu’gingi ku’nde turmısımızdan orın alg’an. Barlıq shıg’arılıp atırg’an mobil o’nimler, alıp ju’riwge qolaylı ha’m kompaktli. Da’slep noutbukler JK din’ ornın iyelegen bolsa, son’ netbuk ornın planshetli JK iyeley basladı. Bu’gingi multimedia qollanbası sıpatında planshetlerde – internetke kiriw, film ko’riw, muzıka tın’law ha’m tarmaqta jarıs alıp barıw mu’mkinshiligine iye. Biraq planshette tekstlerdi teriw ha’m kesteler menen islesiw mu’mkinshiligi ideal sheshim emes. Sonlıqtan gibrid planshetler ha’m noutbuklar arqalı bir qurılmadan ekinshisine an’sat awısıw mu’mkin.

Acer kompaniyasının’ bunday kompaktli transformerine Acer Aspire P3 kiredi. Ol planshettin’ barlıq elementlerine iye bola otırıp leptopqa da aylanadı.

Acer Aspire P3 klaviaturalı planshet bola otırıp sa’ykes sertifikatqa iye Ultrabuk ta. Birinshiden – qurılma a’dettegi noutbukqa qarag’anda jin’ishke: barlıg’ı bolıp klaviatura qalın’lıg’ın esapqa almag’anda 1 sm, ekinshiden – ju’da’ jen’il – 1,4 kg artıq emes (qabı (chexol) ha’m klaviatura komplektsiyasında), u’shinshiden – ol apparat qurılması ha’m tolıq operatsiyalıq sistema menen ta’miyinlengen.

Bunda protsessor sıpatında 1,5 GGts taktli jiyiliktegi Intel Core i5 quwatlılıg’ı yamasa 1,4 GGts taktli jiyiliktegi Intel Core i3 orın iyeleydi ha’m operativ yadtın’ eki gigabaytı menen isleydi. Grafika Intel GMA HD 4000 integratsiyası arqalı a’melge asadı, al paydalanıwshının’ mag’lıwmatları 120 GB (yamasa 60) qattı diskte (toplawshıda) saqlanadı.

Jolda ju’rip islew ushın Windows 8 din’ desktoplı-planshetli OS sı basqarıwdı a’melge asıradı.



IPS texnologiyası menen orınlang’an Aspire P3 din’ HD-displeyi 11,6 ten’. Onın’ o’lshemi 1366 x 768 pikselge ten’ (WXGA, 360 ppi, ta’repler qatnası — 16:9). Transformerde eki kamera ornatılg’an bolıp – olar arqalı paydalanıwshı a’tirapınan su’wretke alıw ha’m videokonferentsiya alıp barıwı mu’mkin. Sonday –aq ol Wi-Fi IEEE 802.11a/b/g/n sımsız texnologiyası ha’m Bluetooth 4.0 menen baylanısadı, sonın’ menen birge USB 3.0, HDMI portlarına iye.




B. Kalmuratov
Paydalanılg’an a’debiyat: gadgetblog.ru