Kompyuter sistemalarının’ qa’wipsizligin izertlew ha’m olardı sınaqtan o’tkeriw menen shug’ıllanıwshı AQSHtın’ NSS Labs sho’lkemi Internet Explorer 10 brawzerin en’ qa’wipsiz brawzer dep atadı.
Internet Explorer 10 basqa ataqlı brawzerlerge qarag’anda zıyanlı saytlardın’ bir qanshasın tanıp, paydalanıwshılarg’a olar haqqında eskertiw bergen eken. IE10 sonday-aq basqa brawzerlerge salıstırg’anda zıyanlı siltemelerdi tezirek tapqan. NSS Labs tın’ esabatında IE10 brawzerinin’ usınday artıqmashılıqlarg’a iye ekeni jazılg’an.
İzertlew jumısları 2013 jıl 13-mart ayınan 6-aprel ayları aralıg’ında alıp barılg’an. Veb-brawzerlerdin’ qa’wipsizligi 754 zıyanlı siltemelerge sınaqtan o’tkeriw barısında anıqlang’an. İzertlewshiler ko’birek virusqa tolı saytlarg’a bir neshe ret kirip, sistemanın’ qa’wipsizligin testten o’tkergen. Al ulıwma sınaw waqtında Microsoft Windows 8 Enterprise operatsiyalıq sistemasında jumıs isleytug’ın ha’r brawzerge 18 mın’nan aslam test o’tkerildi.
Usı aralıqta IE10 brawzeri zıyanlı siltemelerdin’ 99,96 %-ın anıqlap, sistema oz’inin’ qa’wipsiz ha’m paydalı ekenin anıqlap bergen. Ekinshi orın bolsa, Google Chrome 25/26 brawzerine buyırdı. Ol sınaq barısında 83,16% paydalı ko’rsetkishin ko’rsetken eken. Al Safari 5 penen Firefox 19 10,15% ha’m 9,92% na’tiyjesi menen u’shinshi ha’m to’rtinshi orınlardı iyeledi. Bir qızıg’ı son’g’ı waqıtta paydalanıwshılar arasında ataqlı bolg’an Opera 12 brawzeri zıyanlı siltemelerdin’ tek 1,87%-ın anıqlap bergen.
“Solay etip, Firefox penen Safari ha’r on hu’jimnin’ birewin anıqlap beredi. Al qalg’an tog’ız zıyanlı silteme menen gu’resiw kompyuterde ornatılg’an antivirustın’ wazıypası degen so’z. Chrome bolsa onın’ segizin o’zi joq qıladı. Al Internet Explorer 10 brawzeri mın’nan tek to’rt zıyanlı siltemeni g’ana taba almadı”,- dep atap o’tilgen NSS Labs tın’ esabatında.
Usı jılıda sınaqta Internet Explorer brawzeri jen’iske eristi. O’tken jıldın’ sentyabr ayında da atalg’an kompaniyanın’ izertlew juwmag’ında en’ qa’wipsiz brawzer dep atalg’an edi.
derek ko’zi: iguides.ru
su’wret: google.com
Microsoft-tın’ Windows Phone 8 ha’m mobilli operatsiyalıq sistema ...
Windows Phone sammiti barısında Microsoft Windows Phone 8 mobilli operatsiyalıq sistemasın usıng’an edi. WP8 Windows 8-den yadro ha’m kodının’ ko’p bo’legin iyeleydi ha’m Microsoft-tın’...
İnternet brouzerleri. Kim qanday internet brouzerinen paydalanadı ...
İntenet Explorer brouzeri shama menen 70 payız paydalanıwshısına iye. Al IE8 funktsionallıg’ı ha’m zamanago’y tarmaq imkaniyatların qollap quwatlaw jag’ınan basqa tiykarg’ı...
Microsoft korporatsiyasının’ Windows 8 jan’a sisteması bur&# ...
2013 jıldın’ fevralınan baslap, Windows 8 operatsiyalıq sistemasın ornatıw burıng’ıg’a qarag’anda 3 ese qımbatlaydı. Microsoft korporatsiyası bul operatsiyalıq...
Windows 8 operatsiyalıq sistemasınan nelerdi ku’tiwge boladı ...
Bizge belgili Microsoft kompaniyası jeke kompyuterler ushın programmalıq ta’miynat jaratıwda so’zsiz jetekshi roldi iyelegen. Bul kompaniyanın’ ha’r tu’rli programmalıq ta’miynatı arasında...
2011 jıldın’ en’ ko’p paydalanıwshısına iye Veb sa ...
Google ha’m Facebook – o’tken 2011 jıldın’ en’ ko’p paydalanılg’an saytları dep xabar berdi Nielsen analiz kompaniyası. Beb kompaniyalardın’ reyting esabatı da’wiri 2011 jıl yanvar-oktyabr...
