Google ha’m Facebook – o’tken 2011 jıldın’ en’ ko’p paydalanılg’an saytları dep xabar berdi Nielsen analiz kompaniyası. Beb kompaniyalardın’ reyting esabatı da’wiri 2011 jıl yanvar-oktyabr ayları aralıg’ın o’z ishine aladı.

İlimpazlar saytlarg’a u’y ha’m jumıs orınlarının’ kompyuterleri arqalı kiriwlerin u’yrenip shıqtı, saytlardın’ mobil qurılma paydalanıwshıları arasındag’ı g’alabalıg’ı itibardan shette qalg’an.

Demek, reytinge ko’re, Google saytlarına du’nya boyınsha 153 mln. adam kirgen, Facebookqa bolsa – 137,6 mln paydalanıwshı kirgen. U’shinshi orıng’a Yahoo portalı ko’terilgen, to’rtinshi orında – Microsoft.

AQSH tag’ı jetekshi onlıqtan, sonday-aq MSN, YouTube videohostingi, Microsoft ha’mde Apple kompaniyalarının’ korporativ saytları, AOL mediakompaniyası resursları, Wikipedia onlayn entsiklopediası ha’m Ask.com onlayn-izlewshisi orın aldı. Sotsiallıq tarmaqlar arasında Facebook jalg’ız jetekshi bolsa, QASH tag’ı saytlar ulıwma reytingine kirmegen Blogger blog hostingı ha’m Twitter mikrobloglar servisi ekinshi ha’m to’rtinshi orınlardı iyeledi.

Onlayn video ko’riw ushın g’alabalıq servisler bular – YouTube, Vevo ha’m Facebook. Reyting avtorları keyingi waqıtlarda Xıtay saytlarının’ abroyı asıp baratırg’anlıg’ın ayrıqsha atap o’tti. Ma’selen, joqarıdag’ı dizimnen 11 ha’m 12- orınlardı Xıtaydın’ QQ portalı ha’m Taobao onlayn-du’kanı iyelegen.

Google+ sotsiallıq tarmag’ı sutkasına 625 mın’ paydalanıwshıg’a artıp barmaqta. Eger bul jag’day saqlanıp tursa, bir jıldan son’ paydalanıwshılardın’ ulıwma sanı 400 million adamg’a jetedi- bul o’z gezeginde Facebook auditoriyasının’ 50 payızın quraydi