Ha’zirgi waqıtta internet paydalanıwshılarının’ ko’pshiligi du’nya ju’zi boyınsha sotsiallıq tarmaqlardan paydalanadı. Adamlar arasındag’ı qarım-qatnastı ta’miyinlep beretug’ın bul tarmaq paydalanıwshıları bu’gingi ku’nde ko’pshilikti quraydı. Kimlerdur qarım qatnas maqsetinde paydalansa al ayırımlar waqıtın o’tkeriw ushında paydalanadı. Biraq biz bu’gin bul tarmaqtın’ “jaman” yamasa ”jaqsı” ta’replerin aytpaymız. (Bul haqqında aldıng’ı betlerde kiritilgen edi.) Sotsiallıq tarmaqlar haqqında ayırım dereklerdi keltiremiz.

1. Ha’r 20 minut sayın facebook-te bir million silteme (giper bag’ıt) ja’riyalanadı.
2. Ha’r saat sayın facebook-te 4,5 million adam qandayda bir keshelerge mirat etiledi.
3. Ha’r minut sayın facebook-te 100 mın’ adam dos bolıp qabıl etiledi.
4. Barlıq paydalanıwshılardın’ 50 payızı ha’ptesine 1-5 saat waqtın sotsiallıq tarmaqlarda so’ylesiw menen o’tkeredi.
5. Ha’r sekund sayın 8 adam qandayda bir sotsiallıq tarmaqtan dizimnen o’tedi.
6. Google-degi izlew sanı ku’nine 1 milliardtan asadı.
7. Sotsiallıq tarmaq sonday-aq erli zayıplılardın’ ajırasıwına da sebepshi boladı.
8. Britni Spirstin’ folloverler sanı (twitter tarmag’ınadag’ı oqıwshıları sanı) İrlandiya, Norvegiya yamasa Panama xalqının’ sanına shamalas.

Ha’r bir internet paydalanıwshısı sotsiallıq tarmaqta o’tip atırg’an bir ku’nlik waqtın esaplap ko’rip, ha’m onı 1 ha’te ha’m 1 ayg’a esaplap shıqsa, onda qansha waqtı internette o’tip atırg’anlıg’ı belgili boladı. Sonlıqtan sotsiallıq tarmaqtan paydalang’anda tek g’ana altın waqtımızdı paydalı ha’m za’ru’rli na’rselerge sarıplasaq maqsetke muwapıq.


derek ko’zi: w2.com.ua