Ha’zirgi waqıtta sotsiallıq tarmaqlar arqalı tanısıw, ha’tte u’yleniw ku’ndelikli turmısımızg’a enip atır. Kim biledi, durısta shıg’ar. Demek olay bolsa bunda da so’ylesiw etiketleri bar. Onı ha’r tu’rli jag’daylar arqalı da’lillep, aq-qarasın tanıp ko’reyik.
1. Su’wretke tu’siw (Avatar). Sotsiallıq tarmaqta tanısqannan keyin ushırasıw ha’reketi de o’z gezeginde dawam etedi. A’sirese dene kelbeti menen boyının’ qanday bolıwı birinshi orında. Keyingi su’wretin’, sulıw miymanxanada yamasa qandayda bir avtoko’liktin’qasında tu’sken su’wretin’ haqıyqıy bolmawı mu’mkin. Sonday-aq jeke fotonı boyamaw kerek (kompyuterde montajlamaw). Su’wret a’piwayı ha’m sapalı bolıwı tiyis.
2. Ar-uyat shegarasınan shıg’ıp ketken su’wretin’ bolmawı da paydalı. Ha’tte qız dostın’ menen birge tu’sken su’wretin’ ma’seleni u’lkeytip jiberedi. Sotsiallıq tarmaqta o’zin’ tuwralı mag’lıwmat 80 payızdan asıp ketpewi kerek eken. O’zin’nin’ jaqsı ta’repin’di ko’rsetetug’ın foto qoyg’an maqul.
3. Artıqsha kommentlerdin’ o’shirilgeni durıs. Su’wretin’e jazılg’an “Janım, keshe ha’mmesi jaqsı boldı” yamasa “Sol waqıttı sag’ındım” degen sıyaqlı jazılg’an pikirlerdi o’shiriw kerek.
4. O’z avatarın’da “sırt ellik juldız” turıppa? Tez o’zgertiw kerek! Bul o’zin’nin’ ha’lsizligin’ ha’m isenimsiz adam ekenin’di ko’rsetiwi mu’mkin eken. Bunday qa’telik oqıwshı jaslarda ushıraydı eken.
5. Tag’ı bir qa’telik mınanday: “Qalay” – “Qalay”, “Qalaysan’?” - “Jaqsı”, “Qayerde turasan’?” – “pfffffffffffff…”. Ha’mmesi anketada turg’an joqpa? Usı menen bul ma’sele tu’sinikli shıg’ar-aw…
6. Dosların’ aldında abaylı bol! Bir-birin tanıytug’ın adamlardın’ fotoların “unatıp” hesh qashan pikir jazba. Tek jeke so’ylesiw kerek…
7. Eger qızdın’ su’wretinin’ qasında jigit bolsa, baylanısıwdın’ reti joq. Sonday-aq adam su’wreti joq paydalanıwshılarda o’z su’wretlerinin’ ja’riyalanbawının’ sebebi boladı.
8. “Siz ha’m biz dep ju’reyik”. Tanımaytug’ın adam menen tanısıw aldında ha’rkim de “siz”-den baslanıwı kerek. Waqıt o’tip “sen”-ge ko’shiwde qızıqlı boladı.
9. “Qalay, ne jan’alıq?”. Endi g’ana tanısıp atırg’an adamnın’ sag’an aytatug’ınday qanday jan’alıg’ı bolsın?! “Qalaysan’ın’” ne? “Qalay, sulıw qız!” degen da’stu’rli so’ylesiwden baslaw 80 payızg’a juwap alıw menen sheshiledi.
10. “Qaly, ne j?”. Qa’tesiz jazıw kerek. Qa’tesiz jazıw kerek. Qa’tesiz jazıw kerek.
11. “Erten’ u’yge kel Aybek!” sıyaqlı jeke so’zlerdi mikroblokqa jazbaw kerek. A’dette ko’pshilikke birdey xabarlar mikroblokqa jazıladı.
12. Ushırasıwg’a shaqırg’annan keyingi minez. Ko’pshilik internette basqasha so’ylesip, o’mirde basqasha minezin ko’rsetedi. Sonlıqtan, ushırasıwg’a shaqırg’anda oy-qıyaldı iske qosıp, o’zgeshe tu’rlerdi qollanıw kerek.
Kim qalay tanıssada sotsiallıq tarmaqtag’ı is ha’reketin’iz ko’pshilikke ja’riyalanıwı mu’mkin. Sonlıqtan so’ylesiw etiketi shegaradan shıg’ıp ketpese maqsetke muwapıq.
Tayarlag’an: Ardaq Q.
Suw’ret: fashiony.ru
Dene shınıg’ıwlarına waqıt tabıwdın’ 10 ...
Ko’pshilik adamlar dene shınıg’ıwlarının’ adam densawlıg’ına paydası ko’p ekenligin biledi. Biraq ko’pshilik jag’daylarda olar orınlana bermeydi. Dene shınıg’ıwları...
Sotsiallıq tarmaqtag’ı is ha’reketler
Bu’gingi ku’nde internet paydalanıwshılarının’ ko’pshiligi sotsiallıq tarmaqlardan dizimnen o’tip o’z akkauntın ashqan. Xabar tasıwda belsene bolg’an bul xızmet sisteması...
Muxabbat statistikası
Muxabbat logika ha’m ilim menen tu’sindirilmeytug’ın, a’jayıp sezim. Sonda da izertlewler ha’m baqlawlar muxabbat haqqında statistika qurawg’a mu’mkinshilik beredi. Yag’nıy olar tsifrlar arqalıda...
Muxabbat bag’ı
AQSH psixologlarının’ izertlewine qatnasqan qız jigitlerdin’ ko’z qarası tiykarında to’mendegi na’tiyjege iye bolg’an. Yag’nıy qız benen jigit bir birin su’yip qalıw ushın...
Qızlar jigitlerge qanday ken’es beredi?
Lovestruck.com saytı 3000 nan aslam qızlardan jigitlerge aytatug’ın aqıl-ken’eslerin jıynaptı. İzertlewdi alıp barg’an Keyt Basmennın’ ja’riyalag’an ken’eslerin oqıp ko’rsek …...
