Jaqında Google korporatsiyası Google Play Music All Access dep atalg’an muzikalıq xızmetti ko’pshilikke tanıstırdı. Jan’a xızmet Google I/O konferentsiyası ku’ni tanıstırıldı dep xabarlaydı The Verge.

Google Play Music All Access xızmeti arqalı korporatsiya serverinde saqlang’an millionlag’an qosıqlardı tın’lawg’a mu’mkinshilik beredi. Servisti paydalanıw ushın ay sayın 9,99 dollar to’lew kerek eken. Al biypul u’lgisin bir ayg’a paydalanıwg’a mu’mkinshilik beredi.

The Next Web da’slepkisinde tek AQSHta jumıs isleydi dep xabarlag’an. Google kompaniyası Google Play Music All Access xızmetin waqıttın’ o’tiwi menen basqada ellerge usınıwın ma’limledi.

Google kompaniyasının’ menedjeri Kris Erga prezentatsiya waqtında jan’a xızmet “muzika a’lemine” g’ana emes, sonın’ menen bir qatarda “izlewge” de bolatug’ınlıg’ın aytqan. Sebebi Google Play Music All Access paydalanıwshı talg’amına sa’ykes og’an belgili bir qanday qosıqlar unaytug’ınlıg’ın bilip, usınıp turatug’ın boladı. Bul xızmetten internet brauzerlerinende, mobil qurılmalar arqalıda paydalanıwg’a boladı.

Esletip o’temiz “Google Play Music All Access” Google Play Music atlı tayar xızmet betinde qurastırılg’an. Sonı atap o’tiw lazım Google Play Music xızmeti – bul paydalanıwshılar ushın qosıqlar menen qosıq albomların satadı. Bunnan tısqarı Google Play atlı tsifrlı du’kan Android bag’darlamaların, kitaplar ha’m filmlerdi satıw menen shug’ıllanadı.


derek ko’zi ha’m su’wret: ferra.ru