Jaqında g’ana Apple korporatsiyasının’ bas direktorı Tim Kuk jan’a iPhone 6s ha’m iPhone 6s Plus smartfonların ra’smiy tu’rde tanıstırg’an edi. Bul smartfong’a burın belgisiz bolg’an 3D Touch funktsiyası qosıldı. 3D Touch – bul qanday funktsiya ha’m jan’a “ayfonnın’” mu’mkinshilikleri haqqında bilemizbe…

Jan’a ayfonnın’ sırtqı ko’riniside o’zgergen, yag’nıy korpusının’ modeli 7000 seriyadag’ı alyuminiy qospası (samalyot korpusında qollanıladı) menen u’skenelengen. Bul jan’a apparattın’ bekkem bolg’anınan derek beredi. Smartfon ekranının’ sırtqı aynası ionlı qayta isleniwden o’tkerilip, eki ese bekkem bolg’an.

3D Touch
Jan’a ayfong’a – 3D Touch funksiyası ornatıldı. Apple texnologiyasına sensorlı knopkanın’ u’sh o’lshemli (3D) mu’mkinshiligi ornatıldı. iPhone nın’ smart du’zilisi ekrang’a qaratılg’an ha’reketti sezip, sensor betine alternativ funktsiyalardı tez shıg’aradı. 3D Touch funktsiyası qa’legen mobil qollanbalarda (prilojenie) birdey qollanıladı. Yag’nıy, iPhone smartfonlarına tayarlanatug’ın qollanbalar iOS9 platformasının’ ja’rdemi menen avtomat tu’rde 3D Touch funktsiyasına beyimlesedi. Mısalı, karta qollanbasınan qanday da bir ma’kan jaydı ekrang’a belsendi basıw arqalı qosımsha informatsiyalardı basqa interfeyste shıg’arıwg’a boladı.



Kamera
iPhone smartfonlarının’ paydalanıwshılar ushın kamera sapası baslı orında ekeni belgili. Sonlıqtan Apple injenerleri iSight kamerasın 12 MP sapag’a ko’terip, 4K mu’mkinshiligi menen ta’miyinlegen. Al aldın’g’ı kamerası 5 MP sapag’a iye bolıp, FaceTime HD Camera avtofokusı menen u’skenelengen. Apple o’nimlerinin’ kamerasının’ piksellik ko’lemi salıstırmalı tu’rde az bolg’anı menen, tu’sirilgen su’wret sapası ju’da’ joqarı. Bul Apple kompaniyasının’ avtomatlı redaktorlaw funktsiyasının’ ja’rdemi menen a’melge asırıladı. Sonın’ menen bir qatarda, 4K sapada tu’sirilgen videolar arnawlı montajlaw qollanbaları ja’rdeminde an’sat ha’m tez montajlanadı.


derek ko’zi: gadgetblog saytınan.