Асримизни техника асри деб бежиз айтишмайди. Техника тараққиёти шу даражада ривожланиб кетдики, масалан, қишлоқдаги оддий бир деҳқон ота чет давлатда ўқиётган фарзанди билан мўъжазгина қўл телефони орқали бемалол суҳбатлашаётганини кўриб, ҳатто, ҳайратланмай қўйдик. Яна қандай денг, қўл телефонида тасвир орқали бир-бирини юзма-юз кўриб туриб, ҳол-аҳвол сўрашаётгани ҳам бор гап. Дастлаб бу бир мўъжиза бўлиб, ақлимизни шоширар даражада кўринса да, бугунги кунга келиб одатий ҳолга айланиб бораётгани ҳам айни ҳақиқат.

Дарвоқе, қўл телефони…. Ҳозир дунё буйлаб турли русумдаги юзлаб телефонлар кашф қилинябдики, санаб адоғига етолмайди киши. Телефон энг қўлай, энг арзон алоқа воситасига айланиб улгурди. Одамлар телефондан оқилона фойдаланишга мослашиб олди. Бу ҳол яхши албатта.

Афсуски, шоли курмаксиз бўлмаганидек, ана шу жимитдек телефондан ҳам катта, ғаразли мақсадларда ноқонуний фойдаланаётганлар ҳам учраб туради. Бу ҳам бор гап. Жумладан, ўз телефонига тутруқсиз, мазмунсиз куй-қўшиқлар, урф-одатимизга ёт ҳангома-матнлар, фахшни намойиш қилувчи тасвирларни кўчириб олиш, кўз-кўз қилиб юрган аҳлоқсиз кимсалар озми? Оз бўлсаям борлиги ачинарли.

Телефон энг қўлай, энг арзон алоқа воситаси. Ундан ңоқонуний, ғаразли мақсадларда эмас, балки оқилона ва унумли фойдаланишга одатланайлик.



М.Чимбергенова
Қорақалпоғистон Республикаси
Давлат солиқ бошқармаси Ахборот
хизмати бош мутахассиси-бошқарма
бошлиғининг матбуот котиби