Атақлы қосықшы Қайрат Нуртас ҳаққында www.megaline.uz сайты қызықлы дереклерди усынады. Демек танысың:

Айдарбеков Қайрат Нуртас улы 1989 жыл 25-февралда Қубла Қазақстан ўәлаятының Түркистан қаласында дүньяға келген. Ол 8 жасында “Мухаббат муңы” қосығын айтып, сахналарда көрине баслаған.

2005 жыл
2005 жылы Алматы қаласында “Эстрада цирк колледжинде” студент болды.

2006 жыл
2006 жылы “Шаншар” ҳәзил-дәлкек театрында “Әке ” қосығын атқарған. Сол жылы “Әрман” қосығы жазылды.

2007 жыл
2007 жылы жылы Қайраттың “Тәтти сезим”, “Еркетай қарындасым”, “Жаралдың ким ушын”, “Аллаға шүкир”, “Көз жасың көмеклеспейди” сыяқлы көплеген қосықлары хит болды.

2008 жыл
2008 жылы 25 февралда “Тәтти сезим” атамасындағы дәслепки дөретиўшилик концертин берди.

2009-2010
2009-2010 жылларда атақлы хит қосықлары ҳәм видеоклиплери жарыққа шықты. Усы жыллар аралығында ол, Қарақалпақстан Республикасында, Қытайда бирнеше концерт бағдарламаларын берди.

2010 жылы
2010 жылы “Аўырмайды жүрек” қосығы жазылды.

2012 жыл
2012 жылы 25-февралда ол өзиниң “KN” саўда брендин көпшилик нәзерине усынып, усы бренд астында оның жеке журналы жарыққа шықты.

2013 жыл
2013 жылы Қазақстандағы “Саз әлеми” таңлаўына қатнасып, биринши орынды жеңип алып, “Жыл қосықшысы” ҳәм “Жыл қосығы” номинацияларын жеңип алды. 9-апрелде болса, оның “Өкиниш” фильминиң премьерасы болып өтти.

Ал гүз айы болса ол ушын әўметсиз болды, себеби Алматы қаласында шөлкемлестирилген концертлердиң биринде қосық айтқан Қайрат сахнаны таслап кетиўге мәжбүр болды. Тәртипсизлик пенен жуўмақланған усы концерт бағдарламасынан кейин, сол жылы Қайрат көплеген теле-шоуларға ҳәм Алматы қаласындағы концерт бағдарламаларына қатнаспады.

2014 жыл
2014 жылы Алматы ҳәм Астана қалаларында Қазақстанда биринши рет 3D шоу концерт бағдарламасын берди. Усы жылы ол “Қайрат Нуртас” кийим тигиў фабрикасын ашты. Сондай-ақ “Муззон” ЕМА-2014 премиясында “Жылдың айрықша қосықшысы” номинациясын жеңип алды. Алматы қаласында өткерилген бул премияға өзи қатнаспады, ол бул премияны алғаны ҳаққындағы хабарды еситип еситип, Скайп тармағы арқалы шөлкемлестириўшилерге өз алғысын билдирди.

2015 жыл
2015 жыл биринши рет Астана қаласында өткерилген “МузТВ” каналының арнаўлы “Гравитация” премиясында көпшилик даўыс бериў нәтийжесинде Қазақстанның ең жақсы қосықшысы номинациясын жеңип алды. Усы жыл ол жанлы даўыста “Қызыл гүлим-ай” дөретиўшилик концертин шөлкемлестирди.

Ол жаслайынан мийнет сүйгиш, талантлы қосықшы. Оның қосықларының баслы темасы мухаббат, ана, әке ҳаққында. Ал оның көркем-өнердеги ҳәм өмирдеги баслы сүйенши ҳәм продьюссери оның анасы.