Мине Бразилияның Рио-де-Жанейро қаласында өткерилип атырған XV жазғы Паралимпиада ойынларыда өз жуўмағына жетти. Рио-2016 Паралимпиадасында 32 спортшымыз 31 медал менен Орайлық Азияда биринши, ҒМДА да екинши, Азияда екинши ҳәм дүнья жүзинде болса 16-орынды ийеледи!
Өзбекистан паралимпиада сайланды командасы жарыс бағдарламасына киритилген спорттың 5 түринде (жеңил атлетика, жүзиў, дзюдо, оқ атыў, аўыр атлетика) 32 спортшы менен қатнасты.
Спортшыларымыз Паралимпиада ойынларында 31 медалды қолға киритти. Олардан 8 алтын, 6 гүмис, 17 бронза медаллар. Улыўма командалық есапта 200 ге жақын қатнасқан мәмлекетлер арасында 16-орынды ийеледи. Орайлық Азияда биринши, ҒМДА да екинши (1-орын Украина, 171 спортшысы қатнасты), Азияда екинши (1-орын Қытай, 326 спортшысы менен қатнасқан) орынды ийеледи. Ал дзюдо спорт түри бойынша улыўма командалық есапта 1-орынды ийеледи.
Спортшыларымыз тәрепинен 6 жәҳән, 7 Паралимпиада ойынлары, 12 Азия рекордлары орнатылды. Усы ўақытқа шекем ҳеш бир мәмлекет ўәкиллери, яғный қатнасыўшылар саны ҳәм қолға киритилген медаллар саны бойынша бундай нәтийжеге ерисе алмаған.
Соны айтып өтиў орынлы, жүдә көп мәмлекет делегациялары Өзбекистанның ерискен жетискенликлерине қызығып ҳәм ҳәўес пенен қарамақта. Бул жетискенликлердиң түп негизи халқымыздың қоллап-қуўатлаўы, алғысы, мәмлекетимиз тәрепинен жасларға жаратылып атырған имканиятлар, оларға болған исеним ҳәмде спортшыларымыз ҳәм олардың тренерлериниң тынымсыз мийнети болып табылады. Елимиздиң Ўатанды сүйиўши перзентлери бар екен, елимиз байрағы бәрҳама бийиклерге көтериле береди.
Дерек көзи: kamolot.uz
MEGALINE.UZ: Жәҳән аренасында спортшыларымыздың ал ...
Рио-2016 Олимпиадасында 4 алтын, 2 гүмис ҳәм 7 бронза медалын қолға кириткен Өзбекистан делегациясы жәҳән мәмлекетлери арасында 21-орынды ийеледи. ҒМДА...
Рио-2016: Ғиёсовтың гүмис медалынан кейин командамыз 26- ...
Рио Олимпиадасының он екинши күни жарысларынан соң медаллар алыў бойынша АҚШ қурама командасы еле алдыңғы қатарды, Өзбекистан қурама командасы болса ......
Рио-2016: Руслан Нуриддинов елимиз ушын екинши алтын медалды усынды
Рио-2016 Олимпиадасының аўыр атлетика спорт түринде Өзбекистанлы Руслан Нуриддинов ҳәм Иван Ефремов аталған жарыс түрине қатнасып жоқары нәтийжеге қол жеткизди....
Рио-2016: Диёрбек Ўрозбоевтың жеңиси
Бразилияның Рио-де-Жанейро қаласында өткерилип атырған XXXI жазғы Олимпиада ойынларында дэюдошымыз Диёрбек Ўрозбоев Өзбекистан спорт делегациясы есабына дәслепки медалды қолға...
Азияда ким күшли болады?
Төрт жыл алдынғы Азия чемпионатында жерлеслеримиз азияның күшли төрт сайланды командасы арасынан орын алған еди. Бүгин Австралияда басланған Азия чемпионатына Өзбекистан...
