Өмирден көп нәрсе күтер адамзат
Бахыт, байлық, өмир және басқасын
Сизге тилер едим сөнбес мухаббат
Шаңарағың бахтыңа аман жасасын.

Бириншиден бахытты тилеймен сизге.
Достым қосылғайсыз сүйгениңизге
Ҳеш қашан өмирде сүрникпегейсиз,
Достыңды еске ал,қыйналған гезде.

Мухаббат жолында хеш адаспаңыз,
Теректи урсаңыз жаўады қызлар,
Жақсылап силкип көр ҳеш асықпаңыз
Уша басында тур не бир жулдызлар.

Концерт кафелерде жүрдик айланып
Қанлы көл, Кегейли және Нөкисте,
Гейде сен ҳаққында турсам ойланып,
Жүре бер достыңман дедиң ҳәмийше.

Кешириң қәтеге жол қойған болсам.
Ҳешкимди алдаўға бармайды кеўилим.
Сүйген инсаным бар,ырасын айтсам.
Өтинип сорайман мени умытың.

Қыймайман биринши мухаббатымды,
Ол мени сүйсин я сүймесин мейли.
Сизге айтып едим баста дәртимди.
Жүрегим соны деп соғар ҳәр күни.

Мухаббаттан маған сөз ашпаң ҳасла.
Ҳәр кимниң кеўили болады басқа.
Сонша дослығымыз азлық еттиме,
Енди исенбеймен сизлердей досқа.

Дос деўгеде енди бармайды тилим,
От болып өртенди бүгин кеўилим,
Жигит пенен қызлар дос бола алмас
Жақсы қалың, достым сөнди үмитим.


Гөззал Ибраймова.