17- sentyabr ku’ni baslang’an “Balalar kitabı” II Respublika festivalı dawam etpekte. “Istiqlol” balalar dem alıw orayı ma’jilisler zalında “Kamolot senin’ menen” joybarı shen’berinde “Zu’lfiya” atındag’ı ma’mleketlik sıylıqtın’ lauriyatı Shaxzada Bazarbaeva menen ushırasıw bolıp o’tti. İlajg’a “Kamolot” jaslar sotsial ha’reketi QR Ken’esi wa’killeri, No’kis qalasındag’ı mektep oqıwshıları ha’m Xojeli rayonındag’ı mehriybanlıq u’yi ta’rbiyalanıwshıları qatnastı.

Shaxzada o’z so’zinde “Kamolot” – bul menin’ joqarı pa’rwaz etiwime qanat boladı, dep barlıq qatnasıwshılardı “Kamolot” joybarlarında belsindi bolıwg’a shaqırdı.

“Bu’gingi ushırasıwda jas shayır Saxzada Bazarbaevanın’ jan’a do’retiwshiligindegi jan’alıqları menen tanıstıq. Sonday-aq ondag’ı izleniwshen’lik, juwapkershilik sıyaqlı pazıyletlerin o’zime u’lgi etip aldım”, - deydi ilaj qatnasıwshısı Utemuratova Nargiza.

Qızıqlı soraw-juwaplar menen o’tkerilgen ushırasıw son’ında, en’ jaqsı soraw iyeleri Ha’rekettin’ QR Ken’esi ta’repinen tayarlang’an sawg’aları menen sıylıqlandı.










Hu'rliman NURJANOVA.