“Sog’lom va ma’naviy etuk avlod yurtimiz kelajagi” shiori ostida Nukus shahridagi Istiqlol” bolalar dam olish markazida “Bolalar kitobi” II Respublika festivali boshlandi. Ikki kun davomida bo’lib o’tadigan festivalning bugun tantanali ochilish marosimi bo’lib o’tdi.

Tadbirni Qoraqalpog’iston Respublikasi Vazirlar Kengashi Raisi o’rinbosari Maqset Aleuov, “Kamolot” yoshlar ijtimoiy harakati Qoraqalpog’iston Respublikasi Kengashi raisi Abat Daniyarov va qator tegishli tashkilot vakillari kirish so’z bilan ochib berdi va bunday tadbirlarning ahamiyatli tomonlarini aytib o’tdilar.

Festival daslab yangi kitoblarning ko’rgazmasini tamosha etish bilan boshlandi. Dasturga asosan Bolalar kitobxonasi majlislar zalida “Kitob-millatning bebaho ma’naviy me’rosi” mavzusida taniqli shoir va yozuvchilar, ilmshunoslar bilan muloqat tashkil etildi. Savol-javob usulida bo’lib o’tgan uchrashuvda yoshlar o’zlarining yangi g’oyalarini ham bildirib o’tdi.

Ajoyib muloqatdan so’ng Qoiraqalpog’iston Respublikasi Madaniyat va sport ishlari vazirligi tomonidan tayyoralangan konsert dasturi barchani xushnud etdi.
Kunning ikkinchi bo’limida yangi nashr etilgan adabiy ilmiy kitoblarning taqdimoti tashkillashtirildi. Taqdimot so’ngida kitob mualliflari va rassomlari, tahrirchilari bilan ham suhbat bo’lib o’tdi va yoshlar bu orqali ularning ijodiy yangiliklari bilan yaqindan tanishish imkoniyatiga ega bo’lishdi.

-“Bugungi tadbir yoshlarning kitobga degan mehrini e’tiborini yanada kuchaytiradi.Ayniqsa davr talablariga mos ravishda ishlab chiqilgan elektron kitoblar zamonaviy bilimlarimizni yanada chuqurlashtirishda ahamiyatli sanaladi“ -deydi “Zulfiya“ nomidagi davlat mukofoti sovrindori Shaxzada Bazarbaeva

Festival 18-sentyabr kuni ham davom etadi.