Чемпионлар Кубоги ески форматында болған ең үлкен жеңис «Динамо» (Бухарест) – «Крузейдерс» клублары ортасындағы ойын 11-0 есабында жуўмақланған. Бул ойын 1973-жылы болып өтти.

Чемпионлар лигасы топар басқышындағы ең ири жеңис «Ливерпул» - «Бешикташ» ойынында бақланды. Ойын 8-0 есабында жуўмақланды.

Еки ойын жуўмағына бола ең ири нәтийже «Бенфике» - «Дюделанж» ойынында болды. Ойын 1965-жылы болып өтти ҳәм есап 18-0 (8-0, 10-0) пенен жуўмақланды.

Чемпионалар лигасындағы ең тез гол Рой Макай (Бавария - Реал) тәрепинен яғный 10,3 секунда өткерилген еди.

Ең жас футболшы Селестан Бабаяро (Андрлехт) 1994-жылы «Андрлехт» - «Стяуа» ойынында 16 жас, 87 күнге толғанында майданға түскен еди. Лекин Бабаяро дебют ойынында 37-минутта ақ қызыл карточка алып майданнан шетлетилди.

Ең жас гол авторы Пер-Силян Шелбред (Русенборг) 2005-жылда «Олимпиакос» қа қарсы ойында 17 жас 90 күнге толғанда өткерген еди.

Ең жас хет-трик авторы англиялы Уэйн Руни тәрепинен «МЮ» - «Фенербахче» ойынында урған. Ойын 6-2 есабында жуўмақланған еди.

Чемпионлар лигасында қатнасқан ең жасы үлкен футболшы Марко Баллотта еди. «Лацио» дәрўазаманы 2007-жылда «Реал» менен ушырасыўда 43 жаста еди.

Майкл Оуэн (Ливерпуль ҳәм МЮ) ҳәм Филиппо Индзаги (Ювентус ҳәм Милан) ҳәммеден көп үш хет-трик урған футболшы болған еди.

Франк Райкаард чемпионлар лигасында үш мәртебе үш клубта утып шыққан футболшы сыпатында тарийхта қалды. Футболшы Милан, Аякс, Барселона клублары бас тренери сыпатында турнирде жеңип шыққан.

Эрнан Креспо Чемпионлар лигасында бес команда қурамында гол урған: «Парма» (2), «Лацио» (5), «Интер» (10), «Челси» (4), «Милан» (6).

Топарда биринши ҳәм екинши орынларды ийелеген командалар арасында очколар бойынша үлкен парқ 11 очконы қураған еди. Спартак ҳәм Легия (1995), Барселона ҳәм Локомотив (2002).


Талғат Абдижалиев,
ҚМУ журналистика 4-курс студенти.