Jasap atırman áziz Watanda,
Paraxatshılıq húkim súrgen diyarda,
Ǵárezsiz, muqaddes ana topıraqta,
Barlıǵınıń tiykarshısı ózińiz ata.
Bárshege qarattıńız úlken itibar,
Úlken-kishi sizden minnetdar,
Siz islegen usınshama islerge,
Búgin dúnya adamları tán qalar.
Atajan ashtıńız jaslarǵa qansha,
Imkaniyatlardıń sansız esigin,
Bárshesi kózlerin toltırıp jasqa,
Qayǵıǵa túsip, esleydi búgin.
Siz basshı boldıńız, bul ullı diyar,
Gúlledi-jasnadı, taptı mol rawaj,
Boy tikledi, sulıw, jańa imaratlar,
Támiynlendi bárshe járdemge mútáj.
Itibardan shette qalmadı heshkim,
Úlkeni-kishisi, qáriyası bar ma,
Jeńillikler jaratıp berdińiz mudam,
Jalǵız baslı, kekse, nawqası bar ma.
Heshbir nárse sport kibi tanıtpas eldi,
Dep isenim, kúsh baǵıshlar edińiz.
Ata, búgin maydanda sportshı ul-qızıńız,
Aqlap shıqpaqta siziń bul sózińiz.
Alıp qaramayın qaysı tarawdı,
Sizdi táriyplewge sózlerim jetpes,
Húrmetińiz bálent edi atajan,
Bizdi tárk etkenińizge isengim kelmes.
Balalarım bolsın dana, aqıllı,
Hám álbette bolıwı tiyis baxıtlı.
Bolıwımız ushın bárhá bilimli,
Jan pidá áylep óttińiz atajan.
Búgin sizdi eslep áziz atajan,
Kózge jas aldım, qolıma qálem,
Sum ájel sizdi alıp ketkende.
Qarańǵı qaplandı pútkil bul álem.
Dosmırzaeva Juldız.
Júreklerde máńgi qalasız
Ózbekistan Respublikası birinshi Prezidenti Islam Abduǵanievich Karimovqa arnaw. Jasap atırman áziz Watanda, Paraxatshılıq húkim súrgen diyarda, Ǵárezsiz, muqaddes ana...
Siz qaydan bilesiz?
Siz qaydan bilesiz? Ba’lkim men ele, Ja’ne qanat baylap, pa’rwaz qılarman, Jetinshi aspannın’ bulıtlarında, Men de, o’z baxtımdı tawıp alarman....
Anajanım
Siz tuwralı jazg’ım keler ko’p qosıq, Biraq, ta’riyp jetkere almay ha’lekpen, So’zlerimdi uyqastıra almay qosıp, Aqırı jazıp basladım bir ta’repten....
Tanısıw
Ko’shede ja’miyetlik orınlarda, ulıwma qaysı bir orında bolman’ biytanıs adamdı ushıratsan’ız birinshi sa’wbetti a’lbette tanısıwdan baslaysız. Biytanıs adamg’a...
Bul aqsham tu’simde
Men sizdi ushırattım na’zerimde mın’, Oyımda ketpeysiz uzaqlap mennen, Biraq bul bir qıyal, bir shiyrin tu’stey, Heshqashan on’ınan kelmes bilemen!...
