Ba’lkim men ele,
Ja’ne qanat baylap, pa’rwaz qılarman,
Jetinshi aspannın’ bulıtlarında,
Men de, o’z baxtımdı tawıp alarman.
Siz qaydan bilesiz?
Bir ku’ni mag’an,
Sap ıshqı da nesip etetin shıg’ar?
Sonda sizden ko’rgen qıyanet izi,
Ma’n’gige juwılıp ketetin shıg’ar.
Siz qaydan bilesiz?
Men de siz kibi,
O’mirde kimgedur a’rman bolarman,
Birinshi ha’m son’g’ı su’ygeni bolıp,
Ma’n’gi kewilinde jasap qalarman.
Siz qaydan bilesiz?
İnsannın’ kewili,
Ma’n’gi isenimnen jaratılmaydı,
Siz azar jetkizgen azarlı ju’rek,
Bilsen’iz bir u’mit ku’tip jasaydı.
Biraq ta, sezbeysiz onın’ da’rtlerin,
Ha’tteki, qoymaysız u’mit bildirip,
Siz ina’m etpegen baxıtlı ku’ndi,
O’zge insan ina’m eter bir ku’ni.
Siz qaydan bilesiz?
Bulardın’ ba’ri,
O’tmish bo’legimnin’ biri ekenin,
Ne ushın sezbeysiz, ha’r kuni sizdi,
Bir insan umıtpay jasap ju’rgenin…
Biybisara Xudaynazarova
Anajanım
Siz tuwralı jazg’ım keler ko’p qosıq, Biraq, ta’riyp jetkere almay ha’lekpen, So’zlerimdi uyqastıra almay qosıp, Aqırı jazıp basladım bir ta’repten....
O’zin’izige qanday baha beresiz?
Joqarı shoqqılarg’a shıg’ıp, jan’a a’rmanların’ızg’a jetiw ushın adam o’zine isenimli, g’ayratlı bolıwı kerek. Al siz o’zin’izdin’ ku’shin’izge isenesiz be? O’zin’izdi qanshelli...
Bul aqsham tu’simde
Men sizdi ushırattım na’zerimde mın’, Oyımda ketpeysiz uzaqlap mennen, Biraq bul bir qıyal, bir shiyrin tu’stey, Heshqashan on’ınan kelmes bilemen!...
Qaysı terekti tan’laysız (psixologiyalıq test)
To’mende ha’r tu’rli tereklerdin’ su’wreti keltirilgen. Qaysısı ko’zin’izge ayrıqsha bolıp ko’rinse, sol terektin’ nomerin tan’law kerek. Eger terekti tan’lap bolg’an bolsan’ız o’zin’iz haqqında test...
Baxıt tuwralı
Kimgedur kewil berip o’z baxtı ha’m quwanıshın sol insannan izlegen ha’r qanday ashıq en’ baxıtlı ha’m shın ashıq....
