To’mende ha’r tu’rli tereklerdin’ su’wreti keltirilgen. Qaysısı ko’zin’izge ayrıqsha bolıp ko’rinse, sol terektin’ nomerin tan’law kerek. Eger terekti tan’lap bolg’an bolsan’ız o’zin’iz haqqında test penen tanısıp shıg’ıwın’ızg’a boladı.



1. Aqıllı ha’m adamgershiligi joqarı adamlar. Siz ba’rqulla ayrıqsha bolıwg’a talpınasız. Ko’pshilik siz benen til tabısıw qıyın dep tu’sinedi. Biraq onday emes. Siz ha’r dayım belsendi jumıs atqarasız. Menmen emessiz. Siz o’z a’lemin’izdin’ shıraylı bolıwın qa’leysiz ha’m onın’ ushın o’zin’iz u’stinde tınbay jumıs isleysiz. Siz birewdi unatsan’ız, qattı jaqsı ko’rip qalasız. Al onnan keyin…onnan keyinde jaqsı ko’re beresiz. Sizin’ isin’izdin’ qa’dirine jetip ju’rgen adamlar azlaw.

2. Sınshı adamsız. Siz birewge ja’rdemlesiwge ba’rqulla tayar turatug’ın, juwapkershiligi joqarı adamsız. Siz hadal jumıs islewdi jaqsı ko’resiz. Qandayda bir jumıstı o’z wazıypan’ız etip alsan’ız, aqırına shekem jetkeriwden qashpaysız. Sizin’ minezin’iz ko’pshilikke unaydı. Sizde ko’pshiliktin’ kewlinen shıg’atug’ın qızıqlı sa’wbetler tawsılmaydı.

3. Aqıllı ha’m oyshıl adamsız. Siz so’zsiz oyshıl adamsız. Sizin’ ideyaların’ız benen oyların’ız ju’da za’ru’rli. Siz jalg’ız qalg’anda ko’p oyg’a berilesiz. O’zin’izge uqsag’an oylanıp ju’retug’ın adamlar menen sa’wbetleskendi unatasız. Siz o’zin’iz durıs dep islegen na’rseni isleysiz. Og’an ko’pshilik bir awızdan kelispewi de mu’mkin.

4. Miynetkesh adamsız. Siz o’z a’tirapın’ızda siyrek ushırasatug’ın adamsız. Sizdi ko’pshilik durıs tu’sine bermeydi. Sonlıqtan onday adamlardın’ isi sizdi ha’r dayım renjitedi. Miynet su’ygish adamsız. Erinsheklik qa’siyeti sizde joq. Tapsırılg’an jumıstı o’z waqtında orınlawg’a tırısasız.

5. İsenimli adamsız. Siz erkin adamsız. “Ha’mmesin o’zim isleymen” degen qag’ıydan’ızda bar. O’zin’izge qattı isenesiz. Siz jaqınların’ız ushın qa’ytip isenimli bolıwdın’ sırın bilesiz. Adamlardın’ ha’mmesi sizge hadal bolıwın tileysiz. Sebebi siz haqıyqattı su’yesiz.

6. Miyirimli adamsız. Siz adamlar menen ap-an’sat qarım-qatnas ornata alasız. Dosların’ızdın’ sanı da ko’p. Olardın’ o’mirin jaqsılaw ushın qolın’ızdan kelgen barlıq jumıstı isleysiz. Siz bar jerde ayırım birewler o’zlerin artıq sezinedi. Siz muxabbatqa qattı isenesiz.

7. O’zin’izdi bahalay alatug’ın adamsız. Siz adamlardı so’yletpey-aq pikirin ug’atug’ın kishipeyil adamsız. Ha’r adam o’mirde o’z jolın tabıwı kerek dep tu’sinesiz. Siz qa’legen na’rseni, waqıyanı da qorqınıshsız qabıllay alasız. Ayırım na’rseler haqqında qayg’ırıp ta turasız. Ba’rqulla bos waqtın’ızdı mazmunlı o’tkeresiz.

8. Sulıw ha’m ko’rkem adamsız. Siz kewilli adamlardın’ qatarındasız. Eger qandayda bir waqıya aytılıp atırg’an bolsa, ba’rqulla “Qollap quwatlayman” dep qol ko’teriwge tayar turasız. Eger sizge bir na’rse qızıq bolsa, sonı anıqlamag’ansha tınım tappaysız.

9. Jolı bolg’ısh adamsız. Siz ushın o’mir – sıylıq. Sol sıylıqtı sa’tli paydalanıw menen bas qatırasız. Jetiskenliklerin’izge quwanasız. Qasın’ızdag’ı jaqın adamlar menen quwanıshtı bo’lisiwge tayar turasız. Keshirimli, keshirim de soray alasız.

Bul tek g’ana psixologlardın’ boljamı, yag’nıy joqarıdag’ı boljamlar tolıq durıs degeni emes.


derek ko’zi: facebook.com
Tayarlag’an: Bekan’s blog