O’mirde jaman adam bolmaydı, ha’r kim o’zinshe jaqsı, ha’r kimnin’ o’z talg’amı, ta’biyiy bolmısı bar. A’sirese qızlar – sulıw, ko’rkem, shıraylı. Sulıw emes qız bolmaydı. Biraq geyde o’z qa’dirin o’zi joytıp, sulıwlıg’ın a’depsiz is-ha’reketler menen joytıp alatug’ınlardı da ushıratamız.

Sulıw qız dep sırtqı ko’rinisinin’ sulıwlıg’ı menen bir qatarda ishki go’zallıqqa iye qızlardı aytamız. Sonın’ menen qanday qızlar sulıw?

- Erte oyanıp, uyqısınan ku’lip turatug’ın, ju’zinen nurı ko’rinetug’ın qızlar sulıw;

- Sulıwlıg’ın ishki go’zzallıg’ı menen birlestire alg’an qızlar sulıw;

- Barına maqtanbay, jog’ına nalımaytug’ın qız sulıw;

- Miyirimli, g’amxor qız sulıw;

- Keleshektegi ku’yewine hadal, arqa su’yer, qollap quwatlawshı, jaqını bola alatug’ın qız sulıw;

- Aldag’ı shan’araq ma’selelerin ku’yewinin’ aqılına su’yenip, durıs qarar qabıl ete biletug’ın qız sulıw.

Usı aytılg’anlar sizde ushırassa, siz haqıyqıy er jigittin’ yarı bolıwg’a ılayıqlı sulıw qızsız. Al eger aytılg’anlardın’ biri o’zin’izden tabılıp, biri joq bolsa, uwayımlaman’ız, jaqsılıqqa umtılıwdın’ erte keshi bolmaydı.


Juldız S. tayarladı