Ba’har ma’wsimler ishindegi en’ a’jayıp, ha’m sulıw ma’wsim. Bul ma’wsimde ta’biyat oyanadı, a’tirap jap-jasıl libasqa bo’lenedi. Quslardın’ sayrag’an dawısı, qosıqshılarımızdın’ atqarg’an qosıqları burıng’ıdan basqasha yag’nıy bul ma’wsim jan’alanıw ma’wsimi. Bul ma’wsimge qaansha ta’riyp bersekte az, al bul ma’wsimdegi en’ da’slepki bayramlardın’ biri 8-mart xalıqaralıq hayal qızlar bayramı. Sulıw hayal qızlarımızdın’ bayramı mine usı shıraylı ma’wsimnin’ basında qoyılg’anı da biykar emes. Hayal qızlarımızg’a mine usınday sulıw ma’wsimdegi shıraylı san 8 di qosıp beriliwinin’ o’zi a’ja’yıp. 8 bul tik turg’an sulıw san hayal qızlarımızdın’ sulıw kelbetin bildirse kerek, sonday-aq bul sandı qaptallatıp qoysaqta onda ol sheksizliktin’ simvolına aylanadı. Yag’nıy hayal mehri, onın’ go’zzallıg’ı sheksiz degen so’z.
Hayal – bir qolı menen besik terbetse, al ekinshi qolı menen a’lemdi terbetetug’ın muqaddes insan. O’mirimizdi nurlandıratug’ın, quwanıshqa bo’leytug’ın bul hayal qızlar.

Barlıq hayal qızlardı bu’gingi 8-mart xalıqaralıq hayal qızlar bayramı menen shın ju’rekten qutlıqlayman. Olar biz ushın ba’rqulla o’mirimizdin’ gu’li ha’m nurı bolıp qaladı.

Apalar jen’geler qandaslar ha’mde,
Qa’harman analar otırg’an to’rde,
Waqtında qız boldıq deser ba’ride,
Qashıq emes ga’ptin’ arası qızlar.

Bekan’s blog