Tariyxımızg’a na’zer salsaq bu’gingi a’wladqa u’lgi bolg’anday dana anamız Qumar ananı, xosh hawazı menen dan’q taratqan Hu’rliman baqsını, Watan ushın jawg’a qarsı gu’resken batır qız Gu’layımdı ha’m basqa da ma’rt hayal-qızlarımızdı aytıp o’tsek boladı. Biz bu’gingi jas qızlarımızg’a bilim beriw barısında usınday aqıllı, dana analarımızdı u’lgi etip ko’rsetsek olarda keleshekke isenim, Watang’a muxabbat sezimleri oyanarı so’zsiz.
Shınında da, shan’araqta qızlardın’ ta’rbiyasına ana juwapker bolsa, oqıw ornında ha’r bir ustaz bul wazıypanı atqarıwı kerek. Sebebi, dana xalqımız "Qızım u’yde, qılıg’ı du’zde" dep biykarg’a aytpag’an. A’sirese bu’gingi ku’ni ayırım qızlardın’ kiyiniw ma’deniyatı ko’pshilikti ta’shwishke salıp atırg’anı ma’lim. Kelte yubka, tar shalbarlardı yaki milliyligimizge tuwrı kelmeytug’ın ersi kiyimlerdi kiyip ju’rgen qızlarg’a ne dersen’? Shet el modasına qızıp milliyligimizdi, o’zligimizdi hu’rmet etpegen ayırım qızlarımızg’a "Qaraqalpaq qızlarına ta’n iybe, a’dep-ikramlılıq pazıyletleri qayda qaldı?"- degimiz keledi. Sonın’ ushında en’ birinshi shan’araqta ata-ana, sonday-aq, oqıw orınlarında mug’allimlerde qızlardın’ kiyiniw ma’deniyatın qatan’ qadag’alap barıwı kerek.
Shan’araqta ana "Qızım u’stine ne kiyip baratırsan’?" dep qız balag’a ko’birek dıqqat bo’liwi kerek dep oylayman. Oqıw orınlarında bunday ma’seleler hayal-qızlar ken’esi ta’repinen eskertiw berilip, tu’sinik jumısları alıp barılsa maqsetke muwapıq bolar edi.
Sebebi, "Qız balag’a qırıq u’yden tıyıw, bir u’yden jıyıw", -deydi dana xalqımız. Biz ustazlarda keleshekte ma’mleketimiz rawajlanıwına salmaqlı u’les qosatug’ın aqıllı, bilimli, a’dep-ikramlı, iybeli qızlardı kamalg’a keltiriwge ha’reket etiwimiz kerek degen pikirdemen.
Gu’lja’miyla Tilepova,
Shımbay agro-sanaat ka’sip o’ner kolledjinin’ oqıtıwshısı.
Go’zzal qızlar sırı nede?
Go’zzal insang’a aylanıwdı qa’leysiz be? Bizin’she bul sorawg’a derlik ko’pshilik “a’lbette” - dep juwap beriwi anıq. Demek go’zzal bolıwdın’ sırı nede eken? Qaysı ta’repleri menen...
O’mirimizdin’ gu’lisiz hayal-qızlar
Ba’har ma’wsimler ishindegi en’ a’jayıp, ha’m sulıw ma’wsim. Bul ma’wsimde ta’biyat oyanadı, a’tirap jap-jasıl libasqa bo’lenedi. Quslardın’ sayrag’an dawısı,...
“Moda”nı kimler jaratadı?
İnsannın’ sırtqı ko’rinisi a’sirese kiyiniw usılı – onın’ ishki du’nyasınan derek beredi. Sebebi ha’r kim o’z minezi ha’m du’nyaqarasınan kelip shıqqan halda kiyim tan’laydı....
Bes sorawg’a, bes juwap
Jaqsı qızg’a jaman qız, Toplaw menen ten’ bolar, Jaqsı qızg’a jaman qız, Bag’ı menen ten’ bolar. (Naqıl) 1. Qız qanday waqıtta el xalqının’ gu’li bola aladı? ...
Shan’araqtı milliylik ruhta jetistiriw
Xalqımızdın’ a’yyemgi bay tariyxına na’zer taslaytug’ın bolsaq, watanımız a’zelden-aq milliy qa’diryatlardın’ oshag’ı bolıp kelgen. Sol sebeplide Prezidentimiz I.A.Karimov “Biz...
