Jaqsı qızg’a jaman qız,
Toplaw menen ten’ bolar,
Jaqsı qızg’a jaman qız,
Bag’ı menen ten’ bolar. (Naqıl)
1. Qız qanday waqıtta el xalqının’ gu’li bola aladı?
Xalqımızda qızlardı jer betine o’zgeshe sa’n beriwshi gu’llerge megzeydi.Sonlıqtanda “Gu’l o’sse jerdin’, qız o’sse eldin’ ko’rki”- dep biykar aytılmag’an. Yag’nıy olar o’z iybeligi sheberligi talantı, a’dep-ikramı bilimi menen o’z jurtının’ abroy ma’rtebesin tek g’ana jaqsı isleri menen qorg’ay alsa g’ana, elinin’ gu’li bola aladı.
Ja’miyetimizde mine usınday paziyletleri menen u’lgi bolatın hayal qızlarımızdın’ belsendiligi artpaqta. Olar ma’deniyat, ilim, sport ha’m basqada tarawlarda o’z talant sheberliklerin ko’rsetpekte.
2. Bes barmaq birdeyme?
Lekin… “Bes barmaq birdey emes” degenindey olar so’ylew ma’deniyatı ta’rbiyalıg’ı menen bir-birinen parıq qıladı. Biz turmısta ha’r qıylı insanlarg’a dus kelemiz. Qala ko’shelerde ha’tteki ja’miyetlik orınlarda sonday qızlarg’a gezlesemiz olarda qız balag’a ta’n iybeliktin’ jog’alg’anın sezemiz. Jollarda baqırıp so’ylewleri, jargon so’zlerdi aytıp o’zin tutıwları ha’tteki ha’r qıylı kewil ashar orınlarda (kafe, restoran) alkogol ishimlikler iship ma’s halda ju’rgen qızlarg’a qarap haqıyqatı jerkenish sezimi payda boları anıq.
3. Juwırıp ju’rip su’wretke tu’siw sha’rt pe?
Usını da aytıp o’tiw lazım bu’gingi estrada juldızları ta’repinen o’tkerilip atırg’an kontsert bag’darlamalarda “zamanago’y qızlarımız” estrada juldızları sahnada qosıq aytıp atırg’an waqıtta izlerinen juwırıp ju’rip su’wretlerge tu’sip, qasına barıp ha’tteki qorıqshılardı da tın’lamastan unamsız tu’rde oynap atırg’anın ko’rip “tan’lanasan!”.
4. Qa’ne bizin’ xalqımız qızlarına ta’n iybelik a’dep ikramlılıq?
Joqarıda aytıp o’tkenimizdey “Bes barmaq birdey emes” bolmag’anı menen bular ba’ri bir alaqanda jaylasqan. Solay eken a’lbette bular bir-birine ta’sir etpey qalmaydı. Paytaxtımızda o’tkerilip atırg’an jeke kontsertlerdin’ birinde jas qosıqshı jigitke talasıp urısıp qopalıraq qılıp aytqanda to’belesip atırg’an qızlarımızdı ko’rip usınday sorawlar payda boladı.
Biz bul pikirimiz benen barlıq qızlardı ayıplamaqshı emespiz durıs olar sol qosıqshılarımızdın’ ıqlasbentleri bolıwı mu’mkin, degen menen ja’miyetlik orınlarda o’zin tuta almay unamsız ha’reketler islep to’belesiwler bul ma’deniyatsızlıqtan derek beredi.
Pikirim juwmag’ında sol na’rseni aytıp o’tkim keledi yag’nıy Tumaris, Qırıq qız urpaqları degende ba’rshe xalıqlardın’ ko’z aldına ta’rbiyalı aqıllı o’nerli ma’rt ha’m a’lbette ma’deniyatlı qızlarımızdı keltirsin!
Bunın’ ushın ha’r birimiz tek g’ana jaqsı ta’replerimiz benen g’ana u’lgi bolayıq a’ziz zamanlaslar!
5. Siz ne deysiz???...
Hu’rliman Nurjanova
QMU Jurnalistika ta’lim bag’darı 2-basqısh studenti
Zu’lfiya - pa’kliktin’ tımsalı
O’zbek poeziyasının’ en’ jarqın juldızlarının’ biri bolg’an Zu’lfiyaxanım do’retiwshiligi o’zbek a’debiyatı tariyxında u’lken iz qaldırdı. Onın’ qaysı bir...
Muxabbat bag’ı
AQSH psixologlarının’ izertlewine qatnasqan qız jigitlerdin’ ko’z qarası tiykarında to’mendegi na’tiyjege iye bolg’an. Yag’nıy qız benen jigit bir birin su’yip qalıw ushın...
"Qız o’sse eldin’ ko’rki"
"Qız o’sse eldin’ ko’rki", -deydi dana xalqımız. A’lbette, ata-babalarımız a’zel-a’zelden qız balanın’ ta’rbiyasına u’lken itibar berip kelgen. Ha’r bir eldin’ batır jigitleri sol...
Qanday qızlar sulıw ko’rinedi?!
O’mirde jaman adam bolmaydı, ha’r kim o’zinshe jaqsı, ha’r kimnin’ o’z talg’amı, ta’biyiy bolmısı bar. A’sirese qızlar – sulıw, ko’rkem, shıraylı. Sulıw emes qız...
Qızlar jigitlerge qanday ken’es beredi?
Lovestruck.com saytı 3000 nan aslam qızlardan jigitlerge aytatug’ın aqıl-ken’eslerin jıynaptı. İzertlewdi alıp barg’an Keyt Basmennın’ ja’riyalag’an ken’eslerin oqıp ko’rsek …...
