Ko’shede ja’miyetlik orınlarda, ulıwma qaysı bir orında bolman’ biytanıs adamdı ushıratsan’ız birinshi sa’wbetti a’lbette tanısıwdan baslaysız.
Biytanıs adamg’a beriletug’ın birinshi soraw???
Hesh oylanbay atın soraysız. A’lbette sa’wbetti atın sorawdan baslap bazı waqıtlarda atının’ ma’nisinde soraysız. Al, keyinirek ma’deniyatlılıq penen sa’wbetti dawam ettirin’.
Ma’selen, erkek ha’m hayal adam tanıspaqshı. Tanısıw paytında da’slep er adam o’zin tanıstırg’anı maqul. Eger er adam hayal adamnan u’lken bolsa hayal o’zin birinshi tanıstıradı.
Siz dostın’ız benen seyil etip ju’rgenin’izde basqa tanısın’ızdı ushıratıp qalsan’ız, olar tanısıwdı qa’lemese, olardı tanıstırmag’anın’ız maqul. Hayal-qızlar keshelerde tanısqan adamların keyinirek tanıs dep esaplawg’a ma’jbu’r emes.
Jan’a jumıs ornına barg’anın’ızda qalay tanısıw kerek???
Da’slep basshı adam jan’a jumısshını tanıstıradı.Bul onın’ wazıypasına kiredi. Eger sizdi basshı lawazımına qoysa, sizdi orınbasarın’ız ya’ki ja’rdemshin’iz tanıstıradı. Da’slep, atın’ız, familiyan’ız ha’m jumıstag’ı lawazımın’ız tanıstırıladı.
Jaqın dostın’ız ya’ki tanıs adamın’ızdı ja’miyetlik jerlerde, jıynalıs, ushırasıwlarda tanıstırıp atırg’anda “bul menin’ dostım” degen so’zlerdi aytpag’anın’ız maqul.Sebebi, bul basqalardın’ renjiwine alıp keledi.
Bazıda o’zin’izdi tanıstırıwg’a tuwra keletug’ın payıtlarda boladı. Sonday jag’daylarda en’ a’wele keshirim bildirip, keyin o’zin’izdi tanıstırın’.
Yeger de siz bir tanısın’ızdı shan’araq ag’zaların’ız benen tanıstırmaqshı bolsan’ız birinshi ata-anan’ızdan baslan’.
Qol berip sa’lemlesken payıtta…
Ko’binese jan’a tanıslar tanısıp bolg’annan son’, qol berip ko’risedi. Kimge tanıstırılsa, ol birinshi bolıp qol uzatadı. Stol u’stinen qol berip ko’rispegenin’iz maqul.Tek g’ana bas iyip qoyın’. Tanıstırılg’an adamlardan jası u’lkeni birinshi sa’wbetti baslaydı.
Ulıwmalastırıp aytqanda, tanıstırıw ha’m tanısıw waqtında jıllı ju’zlilik penen jaqsı mazmunlı sa’wbette bolın’. Sonda g’ana siz oylag’an maqsetin’izge erisiwin’iz mu’mkin.
Hu’rliman Nurjanova.
05-iyun, 2013 jıl.
Oylanayıq a’mel qılayıq
Temeki quramında ha’r tu’rli ximiyalıq zatlar bar. 1809 jılı temeki japırag’ınan nikotindi ajıratıp alg’an. Nikotin adam organizmine ta’sir etiwshi tiykarg’ı quram esaplanadı....
Qaysı terekti tan’laysız (psixologiyalıq test)
To’mende ha’r tu’rli tereklerdin’ su’wreti keltirilgen. Qaysısı ko’zin’izge ayrıqsha bolıp ko’rinse, sol terektin’ nomerin tan’law kerek. Eger terekti tan’lap bolg’an bolsan’ız o’zin’iz haqqında test...
Sotsiallıq tarmaq arqalı tanısıwdag’ı ayır ...
Ha’zirgi waqıtta sotsiallıq tarmaqlar arqalı tanısıw, ha’tte u’yleniw ku’ndelikli turmısımızg’a enip atır. Kim biledi, durısta shıg’ar. Demek olay bolsa bunda da so’ylesiw...
"Qız o’sse eldin’ ko’rki"
"Qız o’sse eldin’ ko’rki", -deydi dana xalqımız. A’lbette, ata-babalarımız a’zel-a’zelden qız balanın’ ta’rbiyasına u’lken itibar berip kelgen. Ha’r bir eldin’ batır jigitleri sol...
Qızlar jigitlerge qanday ken’es beredi?
Lovestruck.com saytı 3000 nan aslam qızlardan jigitlerge aytatug’ın aqıl-ken’eslerin jıynaptı. İzertlewdi alıp barg’an Keyt Basmennın’ ja’riyalag’an ken’eslerin oqıp ko’rsek …...
