Aytqan so’zlerin’nin’ qunı altındı,
Keleshek a’wladlar qa’sterler ma’ngi,
Berdaq babam umıtılmas atın’dı.
Perzent boldın’ xalıq ushın tuwılg’an,
Ha’r bir so’zin’ ko’z jasın’a juwılg’an,
Sen, Gandiyi boldın’ qaraqalpaqtın’,
Haqıyqatlıq ushın tınbay juwırg’an.
Haqtın’ qulı boldın’, shayır boldın’ sen,
Ba’rha tuwrı so’yledin’ xalıq aldında,
Ashılmag’an ta’g’dirin’e qayıl boldın’ sen,
O’mir boyı izlep o’ttin’ baxıt biraqta.
Xalıqtın’ quwanıshın, g’amın bo’listin’,
Da’rtli kewillerge shadlıq u’lestin’,
Ten’sizlikke qarsı buwıp belin’di,
O’mir boyı haqıyqatlıq ushın gu’restin’.
Bedew yan’lı bostanlıqqa shaptın’ sen,
Qosıq penen da’rtin’e dawa taptın’ sen,
Ig’balın’, ma’rteben’ asqar taw bolıp,
Haq jolında xalıqtan hu’rmet taptın’ sen.
Xalıqtın’ hu’rmetin baxıt dep bildin’,
Elde tutqan ornın’dı taxt dep bildin’,
Kirgennen- aq shayırlıqtın’ saltanatına,
Xalıq so’zin so’ylewdi salt dep bildin’.
Ba’rha’ma xalıqtın’ g’amın oyladın’,
Duwtarın’a xalıq da’rtin jayladın’,
Zamanın’nın’ awır qıswmetinen,
Sahranın’ bu’lbili bolıp sayradın’.
Sazlı duwtarın’dı shertip ah urdın’,
Xalıqtın’ mun’ının’ u’ni boldın’ sen,
Xalıq ma’pi ushın jan pida qıldın’,
Ku’ygen kewillerdin’ shog’ı boldın’ sen.
So’zlerin’de a’dalat hu’kim su’redi,
Sen ma’ngi ekensen’ haqıyqat ma’ngi,
Ko’zlerine totıyaday su’rtedi,
Xalqım umıtılmas ullı atın’dı.
Qosıqların’ aylanıptı xalıq so’zine,
Naqıl-maqal yan’lı na’siyatların’,
Bu’gin ta’jim etedi xalıq o’zin’e,
Milliy maqtanıshısan’ qaraqalpaqtın’.
A’debiyatta jarqın so’nbes juldızsan’,
So’zin’ jıllı, kewillerge qundızsan’,
Zamanın’nın’ suwıq qa’ha’rin quwıp,
Muzlag’an ju’reklerdi jılıtqan nursan’.
Ha’r bir aytqan so’zin’ shaqmaq tasınday,
Kewilge qonımlı ha’r bir qosıg’ın’,
Oqısam tarıyxtın’ jılnamasınday,
Ko’z aldıma keler xalıq turmısı.
Da Vinchi de su’wretlep bere almaydı,
Berdaq o’zin’shelli o’mir shınlıg’ın,
İskender de ma’rtligin’e ten’ kele almaydı,
So’zin’ qaytarg’anday dushpan sumlıg’ın.
Sawat ashıp Nawayı Fizuliylerden,
Oqıdın’ ustaz tutıp Maqtımqulını,
Tu’rkistan xalıqların xanalasım dep,
Jırlap o’ttin’ mudamı tuwısqanlıqtı.
Ullı shayırlardın’ ustamı boldın’,
Bu’gingi a’wladlardın’ ustazı boldın’,
Poeziyanın’ tırnag’ın qalap altınnan,
Dilwarlıqta shayırlardın’ sultanı boldın’.
O’tmishin’nin’ ashılmag’an sırı bar,
A’debiyatta o’shpeytug’in izin’ bar,
Seni jırlaytug’ın mendey qızın’ bar,
Urpag’ın’ tilinde ma’n’gi jır boldın’.
Ja’rimbetova Maryam
Zu’lfiya - pa’kliktin’ tımsalı
O’zbek poeziyasının’ en’ jarqın juldızlarının’ biri bolg’an Zu’lfiyaxanım do’retiwshiligi o’zbek a’debiyatı tariyxında u’lken iz qaldırdı. Onın’ qaysı bir...
Sahra poeziyasının’ sa’nli duwtarı
Ha’r qanday millet o’zligin teren’ an’law ha’m milliy qa’diriyatların qa’sterlep saqlawda joqarı ma’newiyatqa jetisiwi kerek. Bunda ko’rkem a’debiyattın’ bahalı jemisi, insaniyat ushın ruwxıy...
“Kewil…”
Kewil mu’lki pasılg’a megzes, Qa’ha’rli qıstay muzg’a aylanar, So’nbekshi bolar onın’ nurların, Shayırdın’ qa’lbi sonda da so’nbes....
El su’ygen shayıra
“O’zbekstanda xızmet ko’rsetken ma’deniyat g’ayratkeri”, Qaraqalpaqstan xalıq shayırası, Qaraqalpaqstan tan’ı gazetası Bas redaktorı Matyoqubova Gu’listan....
9 jaslı bala Microsoft kompaniyasının’ en’ jas xızmetke ...
Hindistandag’ı Pranav Kalyan atlı 9 jasar bala Microsoft kompaniyasınan ra’smiy tu’rde isenim xat alıp en’ jas xızmetker ataldı....
