“O’zbekstanda xızmet ko’rsetken ma’deniyat g’ayratkeri”, Qaraqalpaqstan xalıq shayırası, Qaraqalpaqstan tan’ı gazetası Bas redaktorı Matyoqubova Gu’listan.

Gu’listan Matyoqubova “O’zbekstang’a xızmet ko’rsetken ma’deniyat xızmetkeri” (1983 j), “Qaraqalpaqstan xalıq shayırası” (2002 j) hu’rmetli ataqları menen sıylıqlang’an. Ol 1984-2005 jıllarda, 4 shaqırıq Qaraqalpaqstan Respublikası Joqarı Ken’esine, 2005-2010 jıllarda O’zbekstan Respublikası Nızamshılıq Palatasına deputat bolıp saylanıp, parlamentshilik iskerlikti rawajlandırıwda u’lken ta’jiriybe toplag’an.

G. Matyoqubova respublikada ataqlı do’retiwshi, jurnalist ha’m o’z tarawının’ jetik qa’nigesi retinde tanılg’an. Onın’ “Baxt keltirgan bahor” (1979 j), “Hayajonning etti rangi” (1982 j), “Oydin ostona” (1983 j), “Sevib qolsin” (1985 j), “Земля отцов” (1986), “Ju’rek penen ju’zbe ju’z” (1987 j), “Nurlı jollar” (1988 j), “Прекрасное чувство” (1989 j), “Aytgin menga To’rtkul haqida” (1993 j), “Men sen uchun yashayabman” (1993 j), “A’miw jag’asında o’sken bayterek” (1994 j), “Yo’llaringa chiqdim” (1997 j), “Daryoga botayotgan quyosh” (1998 j), “Izlaganlarim” (2000 j), “Oybaldoq” (2001 j), “Muhabbat yurti” (2002 j), “Qalb zuraati” (2004 j), “Qaytmoq uchun ketmoqdaman” (2007 j), “Vatan ruhi” (2011 j) poeziya ha’m prozalıq toplamları Tashkent ha’m No’kis qalasındag’ı baspaxanalardan baspadan shıqtı.

Gu’listan Matyoqubova rus tillerinde baspadan shıqqan “Земля отцов”, “Прекрасное чувство” shıg’armaları, sonday-aq internettegi “Stixi RU”, “Proza RU” saytlarında ja’riyalang’an 300 den artıq poeziyalıq ha’m prozalıq shıg’armaları ushın “Искусство народов мира” Xalıqaralıq Assotsiasının’ lauretı” atag’ın alg’an.

Sonın’ menen bir qatarda ol ko’plegen jaslardın’ talapshan’ ha’m mehriyban ustazı. Ol o’zinin’ 40 jıldan artıq jurnalistlik jumısı dawamında 120 dan artıq do’retiwshi jaslarg’a ustazlıq etken ha’m olardın’ 20 sı joqarı mag’lıwmatlı journalist kadrlar bolıp jetilisken ha’m ha’zirgi waqıtta olardın’ barlıg’ı ma’mleketimizdin’ G’XQlarında xızmet etpekte. Onın’ sha’kirtlerinin’ u’shewi Zu’lfiya atındag’Ma’mleketlik sıylıg’ının’ iyeleri boldı.

Shayıranın’ sırt ellede shıqqan shıg’armaları

1. 2002 jılda “Искусство народов Мира” Assotsiatsiyası Pravleniesinin’ qararı menen“Лауреат Искусство Народов Мира” atag’ı menen sıylıqlang’an

2. 2002 jılda Tu’rkiyada shıg’armaları tu’rik tilinde baspadan shıqtı.

3. 2003 jıl martta Tu’rkmenstan “Qızılqum” jurnalında qosıqları tu’rkmen tilinde shıqtı.

4. 2004 jılda Germaniyada shıqqan shıg’ıs shayırları almanaxida shıg’armalar tu’rkimi nemis tilinde shıqtı.

5. 2010 jılda aprelde Moskvada “Творчество народов мира” gazetasında publitsistika ha’m qosıqları baspadan shıqtı. (rus tilinde)

6. İnternettegi Rossiyanın’ “Proza Ru”, “Stixi Ru” saytlarında 300 den artıq shıg’armaları rus tilinde elektron formada ja’riyalang’an.

G. Matyoqubova 2011 jılda o’zinin’ g’a’ressizlik jıllarında jaratqan Ana watan, xalqımızdın’ azat ha’m abat turmısı haqqındag’ı publitsistikalıq shıg’armaları ha’m qosıqları menen G’a’ressizliktin’ 20 jıllıg’ına arnalıp o’tkerilgen “Eng ulug’, eng aziz” respublika tan’lawında jen’impaz boldı.

G. Matyoqubova 2005 jılı Ha’yal-qızlar komitetinin’ “Gu’layım” gazetasına, 2011 jılı yanvar ayınan baslap O’zbekstan Respunlikası g’aressizliginin’ 20 jıllıg’ı mu’na’sebeti menen Qaraqalpaqstan Respublikası Jazıwshılar Awqamının’ “Qaraqalpaq a’debiyatı” gazetasına tiykar saldı. Gu’listan Matyoqubova basshılıq etip atırg’an “Qaraqalpaqstan tan’ı” gazetası ha’zirgi waqıtta ma’mleketlik bag’darlamalar orınlanıwı olardı turmısqa engiziw, jas a’wladtı salamat, ka’mil insanlar etip ta’rbiyalawda da iskerlik ko’rsetpekte.


A. Tumaeva
TİTU No’kis filialı studenti