Joqarı shoqqılarg’a shıg’ıp, jan’a a’rmanların’ızg’a jetiw ushın adam o’zine isenimli, g’ayratlı bolıwı kerek. Al siz o’zin’izdin’ ku’shin’izge isenesiz be? O’zin’izdi qanshelli bahalaysız?

O’zin’izge beretug’ın bahan’ızdı biliw qıyın emes, to’mendegi testten o’tip ko’rin. Ol ushın sizge qag’az benen qa’lem (ruchka) kerek boladı.

Qag’az ortasınan uzınına sızıq sızın’. Endi usı sızıqtın’ qa’legen jerine noqat qoyın’.

To’mendegi test juwapların tapsırmanı orınlag’annan keyin oqın’.

Eger noqat sızıqtın’ to’meninde bolsa, demek siz o’zin’izdi ju’da bahalamaysız. O’zin’izdiki durıs ekenin bilsen’izde, pikirin’izde son’ına shekem tura almaysız. Maqsetlerin’izden jiyi waz keshpen’.

Eger noqat sızıqtın’ ortasınan joqarı jaylasqan bolsa, siz o’zin’izge dım isenimlisiz. O’zin’izdi ha’mmeden joqarı dep esaplaysız. A’lbette siz bunday maqtawlarg’a ılayıqlı bolıwın’ız mu’mkin. Biraq o’zin’izdi dım bahalaw azg’antay qıyınshılıqqa qattı o’kinip, azg’antay jen’islerdi men’sinbewge alıp keledi. Ja’miyette jasag’annan keyin, basqalardın’ oyı ha’m pikirin tın’law kerek.

Noqatın’ız sızıqtın’ da’l ortasına tu’sse, bul o’zin’izdi obyektivli bahalaytug’ının’ızdın’ belgisi. Kemshiliklerin’iz benen artıqmashılıqların’ızdı da bilip, olardı reti menen qollana bilesiz.

Al siz o’zin’izge qanday baha beresiz?

Joqarıdag’ı test tolıq durıs dep qarawg’a bolmaydı, bul tek g’ana psixolog qa’niygelerdin’ boljawı.