Сағынып хәмийше көзге жас алып,
Излеймен өзиңди ашық аспаннан,
Қудайымның ҳәмирине бойсынып.
Айралық айырды бизди анажан.

Аллаҳыма налып өтти өмирим.
Ҳәм дәрт бердиң ҳәм айырдың анамнан.
Сөндиргениң болды мениң жулдызым.
Жас жулдызым өзиң едиң анажан.
Меҳриңе зар болып камалға келдим.
Меҳрибаным өзиң едиң анажан.

Биреўлер бар анасынан кешеди.
Нақасларды көрип жүрек болып қан.
Көзбен көрген бул дүньядан безеди.
Не ушын бир кем дунья болды анажан.

Жуўапсыз сораўлар қыйнайды жанды.
Бир арзыўым арманларға айланды.
Түсимде де көрсетпедиң қабамды.
Сағындым-аў дүньяда тек анамды.
Мәнги тәрк еттиң сен енди панийди.
Жоқ арманым руўхың көрсем анажан.

Қәйтейин өмирге өтпес ҳәмирим.
Қуўнаныштан узақ жүрер кеўилим.
Бул паний көрсетип сонша азапты.
Дәртлеримди түсинер жан таппадым.
Анажан дәртлерим және алмадым.


Mirbek Pazilov,
Анажаным Тасмурзаева Нина Шахат қызы руўхына бағышлайман.