Швейцарияның Цюрих қаласында футбол бойынша 2015 жылдың жоқары мәртебели сыйлықлары тапсырылды. Жеке ойыншыға берилетуғын барлық атақлар өз ийелерин тапты.

Цюрих қаласында өткерилген салтанатлы илажда мәртебели “Алтын топ” сыйлығы Лионель Мессиге тапсырылды. Ол 2015 жылы “Барселона” ҳәм Аргентина командасының футболшысы ретинде бул атаққа ылайықлы бола алды. Нәтийжесинде бул сыйлықты бесинши рет жеңип алған жалғыз ойыншы болды.



Мессидиң 2015 жылғы жетискенлиги

Хошаметлеў мәресиминде Месси “Барселона” ҳәм Аргентина командасына өз алғысын билдирди. Өмириндеги қуўанышлы сәтлериниң бири екенлигинде айтты.

Айрықша футболшыларға даўыс бериў жуўмағы:

Месси: 41.33%
Роналду: 27.76%
Неймар: 7.86%

Ҳаял-қызлар арасында жылдың ең айрықша футболшысы ретинде АҚШ сайланды командасының ярым қорғаўшысы Карли Ллойд сыйлықланды.



“Барселона” клубының бас қәнигеси Луис Энрике жылдың ең айрықша тренери атағын алды. Ол 2015 жылы командасы менен биргеликте Европадағы барлық үлкен турнирлерде үлкен нәтийжелерге еристи.

Ал 2015 жылдың ең айрықша голына берилетуғын “Пушкаш сыйлығына” Вендел Лира ийе болды. Бразилия чемпионатының төртинши дивизионында ойнайтуғын футболшы айрықша голға бәсекилесте Лионель Месси менен Алессандро Флоренциден озып кетти.

Айрықша голға даўыс бериў жуўмағы:

Венделл Лира («Гояс»): 46.7%
Лионель Месси («Барселона»): 33.3%
Алессандро Флоренци («Рома»): 7.1%

Цюрихтеги хошаметлеў кешесинде 2015 жылдың символлы қурамы да жәрияланды. Бул дизимнен төрт “Барселона” ҳәм “Реал” ойыншысы орын алды. Ал Месси менен Роналду бул дизимде төрт жылдан берли турыпты.

Жылдың айрықша дәрўазаманы болып Мануэль Нойер сыйлықланды. Бирақ “Бавария” дәрўазаманы хошаметлеў мәресимине келмеди. Ал “Реал” ойыншысы Лука Модрич биринши рет бул дизимнен орын алды.



Басқада атақ ийелери:
Джил Эвис – 2015 жылда ҳаял-қызлар арасында ең айрықша тренер.
Джеральд Асамоа – 2015 жылдың ең әдил футболшысы сыйлығына ийе болды.


Фото: vk.com.