Уллыбританияның “The Guardian” баспасөзинде 2015 жылдың айрықша 100 футболшының рейтинги жәрияланды. Рейтинг жуўмағы бойынша аргентиналы “топмерген” Лионел Месси айрықша деп аталды. Демек бул рейтингниң онлығы менен таныстырамыз.

Ҳәр жыл сайын дәстүрге айланған бул рейтингди дүзиўге дүньяның 49 мәмлекетинен 123 футбол эксперти қатнасқан. Рейтингниң биринши орынын Лионель Месси ийелеген болса, ал екинши орында Криштиану Роналду бар. Үшинши орынды “Барселона” ның ойыншысы Неймар ийеледи.

Еслетип өтемиз, бул үш футболшыда 2015 жылғы “Алтын топқа” талабан. Жеңимпазлар болса, 2016 жыл 11 январда анықланады.

“The Guardian” рейтингиниң дәслепки онлығына “Бавария” ҳәм “Барселона”дан – 3 ойыншы, “Реал”, “Манчестер Сити”, “ПСЖ” ҳәм “Арсенал” клубларынан 1 ойыншы кирген.

“The Guardian” рейтингиниң дәслепки онлығы:

1. Лионель Месси («Барселона»)
2. Криштиану Роналду («Реал»)
3. Неймар («Барселона»)
4. Луис Суарес («Барселона»)
5. Роберт Левандовский («Бавария»)
6. Томас Мюллер («Бавария»)
7. Златан Ибрагимович («ПСЖ»)
8. Мануэль Нойер («Бавария»)
9. Серхо Агуэро («Манчестер Сити»)
10. Алексис Санчес («Арсенал»)