Frantsiyanın’ “France Football” baspası 2014 jıldın’ en’ ko’p g’a’rejetke iye bolg’an futbolshılardın’ reytingin ja’riyaladı. Kim ha’m qaysı komandanın’ futbolshıları bul dizimnen orın aldı, bul haqqında usı reyting arqalı tanıstıramız.

Argentina milliy komandası ha’m “Barselona” futbolshısı 2014 jılda 65 million evro tabısqa jetken. Onın’ ten’ yarımın Messi klub qatarınan aylıq retinde alg’an bolsa, qalg’anın reklama arqalı tapqan. Messi 2013 jılı 59 million ko’lemindegi g’a’rejet tapqan edi.

2013-jılı bul reytingnin’ aldın’g’ı qatarında turg’an Krishtianu Ronaldu mine bir jıldan keyin ekinshi orıng’a jılıstı. Portugaliyalıq oyınshı 2014-jılı o’z baylıg’ın 54 milliong’a toltırg’an. Bul futbolshının’ aldın’g’ı jılg’ı tabısı menen salıstırg’anda 12 million evrog’a az.

Bul reytingnin’ u’shinshi orının braziliyalıq futbolshı Neymar iyelegen. Ol bıltır 36,6 million evro payda taptı.

2014 jılı en’ ko’p tabısqa jetken futbolshılardın’ onlıg’ı:

1. Lionel Messi (“Barselona”) - 65 million evro
2. Krishtianu Ronaldu («Real») - 54 mln
3. Neymar («Barselona») - 36.5 mln
4. Tiago Silva («PSJ») – 27.5 mln
5. Robin van Persi («Manchester Yunayted») – 25.6 mln
6. Garet Beyl («Real») – 23.8 mln
7. Ueyn Runi («Manchester Yunayted») – 22.5 mln
8. Zlatan İbragimovich («PSJ») – 21.5 mln
9. Serxio Aguero («Manchester Siti») – 21.2 mln
10. Robert Levandovski («Bavariya») – 20.2 mln


derek ko’zi: sport-express saytınan alıng’an.