Мухаббат не өзи айтыңыз дослар?
Бир-биреўди ермек қылыў дегенбе,
Кеўилим усы сырды билиўди қошлар,
Сүйиў деген қушақласып жүриўме,

Әўел айта баслар күйдим сүйдим деп,
Көмипте таслайды жалған ўәдеге,
Үстиңнен мысқыллап,жүрер күлимлеп,
Билседе жол қояр шексиз қәтеге.

Ашық-ашык кийинип,қолда сигарет.
Ҳәр терек түбинде турар жуп-жуптан,
Мениңше уяты болмаса керкек,
Болмаса тартынар едиғой журттан.

Бағда, парклерде жүрер айланып,
Тартынбас ҳеш бири сирә өзгеден,
Сезимлер қайда?-деп қалдым ойланып,
Ашынарлы ҳал екен сырттан гүзетсең.

Ғәриптиң Шаҳсәнемге болған туйғысы,
Сулыў тәрипленген еди дәстанда,
Ал бүгинги базы жаслар турмысы.
Кеўиллери аспанда.өзи пасманда.

Мухаббат усы болса сүймегеймен ҳеш,
Сезимлерден жырақ жүрген жақсырақ,
Бахтым өзиң жол басла,жаман ойдан кеш
Жолларымды жарытар болғыл шамшырақ.

Кешириңлер досларым алжасқан болсам,
Текте жалған ўәделер қыйнайды мени,
Қәне енди мухаббатқа айланып қалсам,
Шын сүйиўге баслар едим бәршени.


Гөззал Ибраймова.