Madritlik “Real” ha’m Portugaliya komandasının’ oyınshısı Krishtianu Ronaldunın’ 30 jasqa tolg’an tuwılg’an ku’ninin’ son’ı dawg’a aylandı. “Atletikodan” utılg’annan keyin, futbolshı tuwılg’an ku’nine komandadag’ı ayırım oyınshılardı shaqırmag’an. İspan baspaso’zlerinin’ mag’lıwmatı boyınsha, Ronaldu tuwılg’an ku’nindegi karaoke-bar g’a komandalasları Iker Kasilyas, Karim Benzema, Rafael Varan, Isko ha’m Alvaro Arbeloa lardı shaqırmag’an.

Al bas to’reshi Karlo Anchelotti menen Toni Kroos mirat etilgeni menen, olar kelmey qalg’an. U’lken utılıwdan son’ portugaliyalıq futbolshının’ tuwılg’an ku’nin belgilew – ıqlasbentler menen futbolshılardın’ narazılıg’ın tuwdırg’an. Al futbolshının’ ja’rdemshisi Jorje Mendesh tin’ aytıwı boyınsha: “Ronaldu u’lken utılıwdan keyin kewilsiz bolsa da, tuwılg’an ku’nin belgilewge tiyis edi” – dedi. Sebebi, ol dosların ha’m tuwısqanların saltanatlı keshege shaqırg’an.

Esletip o’temiz, Krishtianu Ronaldunın’ tuwılg’an ku’nine kelgenlerdin’ ko’pshiligi – jaraqat alg’an oyınshılar. Olar: Xames Rodriges, Luka Modrich, Sami Xedira ha’m Keylor Navas h.t.b.