IT (Information Technology-İnformatsiyalıq texnologiya) tarawının’ jedellik penen rawajlanıwına baylanıslı usı qa’nigege bolg’an qızıg’ıwshılıq ta artıp barmaqta. Usınday qa’nigelerdin’ biri – bag’darlamashı, sonlıqtan ko’pshilikti mına soraw qızıqtıradı: qalay bag’darlamashı bolıwg’a boladı?

Bag’darlamashı bul –EEMları ushın bag’darlama du’ziwshi adamlar. Bag’darlamalastırıwdı u’yrengen adam, mag’lıwmatlar bazası bag’darlamashıshı, kompyuter bag’darlamashısı, veb-bag’darlamashı, 1C bag’darlamashısı, paydalanıwshı bag’darlamasın, h.t.b. oyınlardı du’ze aladı.

Joqarı da’rejeli bag’darlamashı bolıw ushın tınbay ha’m uzaq miynet etiw lazım. O’z bilimin ja’nede jetlistiriw bag’darlamashılar ushın zaman talabı. Bilimsiz bag’darlamashı bolıw mu’mkin emes.

İnglis tilin bilmesten bag’darlamashı bolıw an’sat emes. Ko’pshilik bag’darlamalastırıw inglis tilinde a’melge asırıladı. Al o’z betinshe bag’darlamashı bolıw ushın inglis tilindegi qollanbalardı oqıw maqsetke muwapıq.

Bag’darlamalastırıwdı Paskal tilinen baslag’an maqul. Birinshiden, ol bag’darlamalastırıwdın’ tiykarların u’yreniwge ja’rdemlesedi. Ekinshiden, bag’darlamalastırıw tilerinin’ ko’pshiligi Paskal tiline tiykarlang’an.

Kompyuterdi basqara alatug’ın qural bul bag’darlamalastırıw tilleri. Yag’nıy obyektke bag’darlang’an bag’darlamalastırıw tillerinin’ birin u’yreniw ha’m onda o’z joban’ızdı baslaw, teren’ u’yreniw, informatsiya a’sirinde zaman talabına aylanbaqta.


Bekan’s blog